الماتى ماڭىنا اققۇتاندار ۇشىپ كەلدى

بۇل ۆيدەو الەۋمەتتىك جەلىدە تارادى. مينيسترلىكتىڭ باسپا ءسوز حاتشىسى سامال يبرايەۆانىڭ ايتۋىنشا، اققۇتتاندار قازاقستاننىڭ وڭتۇستىگىندە ءجيى قىستايدى ەكەن. كوپشىلىگى باسقا ەلدەرگە ۇشىپ كەتەدى، ءبىرازى الماتى، الماتى وبلىستارىندا قالادى.

«قاتپايتىن سۋ قويمالارىندا بۇل قۇستاردى ءجيى بايقاۋعا بولادى. ءار قىستا اققۇتاندار الماتى زووباعىندا قىستايدى. كليمات وزگەرىپ، قورەك ازايسا، بۇل قۇستار اۋىپ كەتە بەرەدى. تۇرعىندار قۇستارعا قيانات جاساماسا بولدى»، - دەدى سامال يبرايەۆا.

ۇلكەن اققۇتاندار ۇيا سالاتىن جىل قۇسىنا جاتادى. ولار بالىقپەن، كولباقالارمەن، كوكقاسقا شەگىرتكەمەن، ينەلىكتەرمەن، جاندىكتەرمەن جانە ولاردىڭ دەرناسىلدەرىمەن، ۇساق كەمىرگىشتەرمەن، كەسىرتكەلەرمەن قورەكتەنەدى. قازاقستانعا ناۋرىز ايىندا ۇشىپ كەلەدى دە، قازان ايىندا جىلى جاققا ۇشىپ كەتەدى. كەيبىر قۇتاندار قازاقستاننىڭ وڭتۇستىگىندەگى قاتپايتىن وزەندەردىڭ بويىندا قىستاپ قالادى. ءبىر كەزدە اققۇتاندار قاۋىرسىنىنا بولا كوپ اۋلانعان. اققۇتان - سيرەك كەزدەسەتىن قۇس.

اۆتور: گۇلميرا عوسمانالي