ەسكەرتۋ: مەرەكە كۇندەرى بەس وبلىستا قاتتى اياز بولادى
30-جەلتوقساندا سولتۇستىك قازاقستان وبلىسىندا تەمپەراتۋرا كۇرت تومەندەپ، 27-32 گرادۋسقا دەيىن اياز كوتەرىلەدى، 31-جەلتوقساننان 1-قاڭتارعا قاراعان تۇندە اياز 30-35 گرادۋسقا دەيىن، كەي جەرلەردە 38 گرادۋسقا دەيىن كوتەرىلەدى.
31-جەلتوقسان 1-قاڭتار ارالىعىندا اقمولا، پاۆلودار وبلىستارىندا اۋا تەمپەراتۋراسى 30-35 گرادۋسقا كۇرت تومەندەيدى، وبلىستىڭ سولتۇستىگىندە 38 گرادۋسقا دەيىن اياز بولادى.
31-جەلتوقساندا قاراعاندى وبلىسىندا اۋا تەمپەراتۋراسى 25-30، كەي جەرلەردە 35، 1-قاڭتاردا 30-35، كەي جەرلەردە 39 گرادۋسقا دەيىن تومەندەيدى.
1-قاڭتاردا شىعىس قازاقستان وبلىسىندا اۋا تەمپەراتۋراسى 31-36 گرادۋسقا تومەندەيدى، كەي جەرلەردە 39 گرادۋس اياز. قاتتى اياز كەزدە تەحنوگەندىك ءورت كوبەيىپ، حالىقتىڭ تىرشىلىگىن قامتاماسىز ەتۋدىڭ كوممۋنالدىق جۇيەدە اۆاريا شىعۋى، كولىكتىڭ بۇزىلۋ كوبەيۋى مۇمكىن. سونىمەن قاتار ءۇسىپ قالۋ، اۆاريالىق- قالپىنا كەلتىرۋ جۇمىسىن جۇرگىزۋ بارىسىندا پاتەردەردەگى جاعدايدىڭ ناشارلاۋ ىقتيمالدىعى بار. وسىعان بايلانىستى، توتەنشە جاعدايلار مينيسترلىگى اۋا تەمپەراتۋراسى وتە تومەن بولعان كەزدە دالاعا شىقپاۋعا، بالالاردى كوشەگە شىعارماۋعا كەڭەس بەرەدى.
* ەسكەرتۋ جاريالانعاننان كەيىن تۋىس- كورشىلەرىڭىزدى ەسكەرتىڭىز، ويتكەنى ولار بۇل تۋرالى حابارسىز بولۋى مۇمكىن.
* قاتتى اياز بولعان جاعدايدا دالاعا شىقپاڭىز، جەكە اۆتوكولىكپەن ەشقايدا بارماڭىز.
* ەگەر سىزگە ءالى دە سىرتتا ءجۇرۋ كەرەك بولسا، ءۇسىپ قالماس ءۇشىن قولىڭىزدان كەلگەننىڭ ءبارىن جاساۋعا تىرىسىڭىز.
* ايازدى كۇنى دالاعا قولعاپسىز، باس كيىمسىز جانە مويىنوراۋىشسىز شىقپاڭىز. سۋ جانە سۋىق وتكىزبەيتىن، ءىشى جىلى قولعاپ كيگەن دۇرىس. ۇسكىرىك سوعىپ تۇرعاندا سىرتقا شىقپاس بۇرىن، دەنەنىڭ اشىق جەرلەردى ارنايى كرەممەن مايلاڭىز.
* ايازدا مەتالدان (سونىڭ ىشىندە التىن، كۇمىس) جاسالعان اشەكەي - ساقينا، سىرعا جانە ت. ب. تاقپاڭىزدار. بىرىنشىدەن، مەتالل تەز سۋىق تارتادى، تەرىگە جابىسىپ، ادام جاراقات الۋى مۇمكىن. ەكىنشىدەن، ساۋساقتاعى ساقينالار قالىپتى قان اينالىمىن تەجەيدى. جالپى، ايازدا دەنەگە تەمىردى تيگىزبەۋگە تىرىسىڭىز.
* جەلدەن قورعانۋ كەرەك، سەبەبى ۇسكىرىكتە ءۇسىپ قالۋ ىقتيمالدىعى الدەقايدا جوعارى.
* تابانى تايمايتىن اياق كيىم كيىڭىز، قاجەت بولعان جاعدايدا تابانعا جابىسقاق لەيكوپلاستىر جاپسىرىڭىز.
