اتاقتى ديزاينەر پەر كاردەن ومىردەن وزدى

پاريجدىڭ ماڭىندا قايتىس بولعان كاردەن ءسان الەمىنىڭ ريەۆوليۋتسيونەرلەرىنىڭ ءبىرى رەتىندە تانىلعان ەدى. سونداي- اق ونىڭ «كوپىرشىك كويلەگى» سوناۋ 1954 -جىلدىڭ وزىندە تاريحتا قالعان بولاتىن. ول سونىمەن قاتار ءسان بيزنەسىنىڭ ءىزاشارى بولدى: ءبىرقاتار ونىمدەرگە ءوز اتىن بەرىپ، ولاردان برەند جاساپ شىقتى. Le Monde گازەتىنىڭ جازۋىنشا، كاردەن 1922 -جىلى 2-شىلدەدە يتاليانىڭ تريەۆيزو قالاسىنا جاقىن سان- باديو- دي- كاللالتادا دۇنيەگە كەلگەن. ول فرانتسيادا تىگىنشىنىڭ شاكىرتى بولىپ جۇمىس ىستەپ ءجۇرىپ ءبىلىم العان. 1940 -جىلدارى پەر كاردەن «Christian Dior» كومپانياسىنىڭ كيىم تىگۋ اتەلەسىن باسقارادى، ال 1950 -جىلى ءوزىنىڭ ءسان ءۇيىن اشادى.

ول ءوز ءىسىنىڭ ۇزدىگى ەدى - «كوپىرشىكتى كويلەكتەردى» ويلاپ تاپتى، «پرەت- ا- پورتە» تۇجىرىمداماسىن قۇردى، ءبىرىنشى بولىپ ەرلەر كوللەكتسياسىن ۇسىندى جانە «ۋنيسەكس» ءستيلىنىڭ نەگىزىن قالادى. كاردەن فرانسيادا جانە شەتەلدە ءبىرقاتار بەدەلدى ماراپاتتارعا يە بولدى، سونىڭ ىشىندە قۇرمەتتى لەگيون وردەنى، ونەر جانە ادەبيەت وردەنى، يتاليانىڭ «ەرەن ەڭبەگى ءۇشىن» وردەندەرى بار.