فۋتبولدان قازاقستان چەمپيوناتىنىڭ ۇزدىك قورعاۋشىسى انىقتالدى

نۇر- سۇلتان. قازاقپارات - قازاقستاننىڭ كاسىپقوي فۋتبول ليگاسى وتكەن ماۋسىمدى قورىتىندىلاپ، ۇزدىك سپورتشىلاردى ماراپاتتادى، دەپ حابارلايدى قازاقپارات.

جىلدىڭ ۇزدىك فۋتبولشىلارى، سپورت كلۋبتارىنىڭ جەتەكشىلەرى، باس باپكەرلەرى، سونىمەن قاتار كوماندا كاپيتاندارىنىڭ داۋىس بەرۋ ناتيجەلەرى بويىنشا انىقتالدى. وسى پرەمەر- ليگانىڭ ۇزدىك قورعاۋشىسىنىڭ ەسىمى بەلگىلى بولدى.

«رەسپوندەنتتەردىڭ نازارىنا ۇزدىك بەس ۇمىتكەردەن تۇراتىن ءتىزىم ۇسىنىلدى. ءار رەسپوندەنت ءۇش ۇمىتكەردى اتايدى. ءبىرىنشى ورىن - ءۇش ۇپاي، ەكىنشى ورىن- - ەكى ۇپاي، ءۇشىنشى - ءبىر ۇپاي. بارلىق ۇپايدى ساناۋ ارقىلى ساۋالناما قورىتىندىلانادى. «OLIMPBET- فۋتبولدان قازاقستان چەمپيوناتىنىڭ ەڭ ۇزدىك قورعاۋشىسى» نوميناتسياسىندا الماتىلىق «قايراتتىڭ» ويىنشىسى عافۋرجان سۇيىمبايەۆ ءبىرىنشى ورىنعا يە بولدى»، دەلىنگەن ليگانىڭ باسپا ءسوز حابارلاماسىندا.

سونىمەن ەل بىرىنشىلىگىندەگى ۇزدىك قورعاۋشىلاردىڭ رەيتينگى تومەندەگىدەي:

1. عافۋرجان سۇيىمبايەۆ («قايرات») - 74 ۇپاي؛

2. نۇرالى ءالىپ («قايرات») - 56 ۇپاي؛

3. سەرگەي مالىي («توبىل») - 30 ۇپاي؛

4. رادە دۋگاليچ («قايرات») - 21 ۇپاي؛

5. ءىلياس امىرسەيتوۆ («قايسار») - 17 ۇپاي.