سەيسەنبىگە ارنالعان اۋا رايى بولجامى

اتلانتيكالىق تسيكلوننىڭ اسەرىنەن رەسپۋبليكانىڭ سولتۇستىك-باتىسىندا، سولتۇستىگىندە، ورتالىعى مەن شىعىسىندا قار جاۋادى. قالعان اۋماعىندا انتيتسيكلوننىڭ اسەرىنەن جاۋىن-شاشىنسىز اۋا رايى ساقتالادى.

رەسپۋبليكانىڭ كەي جەرلەرىندە تۇمان، جەلدىڭ كۇشەيۋى جانە جاياۋ بۇرقاسىن كۇتىلەدى.

سولتۇستىك قازاقستان وبلىسىندا كەي جەرلەردە تۇمان، جاياۋ بۇرقاسىن، تۇندە 15-20 م/س جەل سوعادى.

قوستاناي، اقمولا، كۇندىز پاۆلودار وبلىستارىندا - كەي جەرلەردە جاياۋ بۇرقاسىن، 15-20 م/س جەلدىڭ كۇشەيۋى كۇتىلەدى.

الماتى وبلىسىندا كەي جەرلەردە تۇمان، جالاڭاشكول ايماعىندا 17-22 م/س جەلدىڭ كۇشەيۋى كۇتىلەدى.

كۇندىز شىعىس قازاقستان وبلىسىندا كەي جەرلەردە جاياۋ بۇرقاسىن، جەل 15-20 م/س، جارما ايماعىندا ەكپىنى 23 م/س كۇتىلەدى.

جامبىل، تۇركىستان، قىزىلوردا، ماڭعىستاۋ، اتىراۋ، باتىس قازاقستان، تۇندە اقتوبە وبلىستارىندا كەي جەرلەردە تۇمان كۇتىلەدى. الماتى وبلىسىندا تۇندە قاتتى اياز كۇتىلەدى.