كيىك كۇيلەۋ ماۋسىمىنا جۇرگىزىلگەن مونيتورينگ جۇمىسى اياقتالدى

مونيتورينگ جاسى ورتاشا كيىكتەردىڭ قۇرامىن انىقتاۋ ءۇشىن جۇرگىزىلەدى، سەبەبى ءدال سول ساناتتاعى كيىكتەر ءتۇز تاعىسىنىڭ پوپۋلياتسياسىن ايقىندايدى، دەپ حابارلايدى قازاقپارات ءتىلشىسى قازاقستاننىڭ بيوالۋاندىقتى ساقتاۋ قاۋىمداستىعىنىڭ Facebook پاراقشاسىنا سىلتەمە جاساپ.

مونيتورينگ جۇمىسى جەلتوقساننىڭ 10 مەن 21 ارالىعىندا اقتوبە، قوستاناي، باتىس قازاقستان وبلىستارىندا جۇرگىزىلگەن. كيىكتىڭ 88 مىڭى كەزدەسىپ، ونىڭ ىشىندە جاسى ورتاشا قۇرامى 31784 ەكەنى انىقتالعان.

«جىنىسجاستى اتالىقتاردىڭ قۇرامى 2020 -جىلى (2019 -جىلعى كورسەتكىش جاقشا ىشىندە كورسەتىلگەن) - ورالدىق پوپۋلياتسيادا 1:6 (1:15)، بەتپاقدالالىق پوپۋلياتسيادا 1:8 (1:10) ، ۇستىرتتىك پوپۋلياتسيادا 1:11 (1:5) كورسەتتى. وتكەن جىلمەن سالىستىرعاندا جىنىستىق تۇرعىدا ۇستىرتتىك پوپۋلتسيانى ەسەپتەمەگەندە وڭ ديناميكا بايقالادى. بۇعان وتكەن جىلى ەسەپ كەش جۇرگىزىلگەنى سەبەپ بولىپ وتىر» دەلىنگەن حابارلامادا.

مونيتورينگ جۇمىسىنا قازاقستاننىڭ بيوالۋاندىقتى ساقتاۋ قاۋىمداستىعى ماماندارىمەن قاتار، «وحوتزووپروم» قىزمەتكەرلەرى، ىرعىز- تورعاي رەزەرۆاتى مەن وبلىستىق ورمان شارۋاشىلىعى مەن جانۋارلار الەمى باسقارمالارىنىڭ اۋماقتىق ينسپەكتسيالارى اتسالىسقان.