وسكەمەندە كوپىردىڭ جابىندىسى ايازعا شىداس بەرمەي جارىلىپ كەتتى

تاۋلى اۋدانداردا تۇندە تەرمومەتر باعانى 42 گرادۋسقا دەيىن جەتتى. بۇگىن وڭىردە 4-سىنىپقا دەيىنگى وقۋشىلار ساباققا بارا المادى. ءتىپتى وسكەمەندەگى كوپىردىڭ اسفالتتى- بەتوندى جابىندىسى ايازعا شىداس بەرمەي جارىلىپ كەتتى. نىساننىڭ تەحنيكالىق احۋالىن تەكسەرۋ ءۇشىن ارنايى كوميسسيا قۇرىلدى. ايازدىڭ بەتى قايتقانشا كەيبىر باعىتتار بويىنشا تۇندە ديزەلدى كولىكتەردىڭ جۇرۋىنە شەكتەۋ قويىلدى. شىعىستا سارى اياز سوڭعى ەكى تاۋلىكتە قاھارىنا ءمىندى. ايماقتاعى سولتۇستىك اۋدانداردا ايازدىڭ كۇشى تۇندە 42 گرادۋسقا دەيىن جەتتى. سوندىقتان وڭىردەگى كەيبىر باعىتتاعى جولدارعا ديزەلمەن جۇرەتىن كولىكتەرگە شەكتەۋ قويىلدى. ءبىراق كەشەلى- بەرى وعان قاراماي جولعا شىعىپ، دالادا قالىپ جاتقان جولاۋشىلار دا بار. كولىكتەرى سىنىپ جولدا قالعان ءبىر توپ ادام وسكەمەن- الماتى باعىتىنان قۇتقارىلدى.

باۋىرجان جۇرەكبايەۆ، وبلىستىق ت ج د باسقارما باسشىسى:

- اياگوز قالاسىنا 30 شاقىرىم قالعان كەزدە گازەل ماركالى كولىك جولدا سىنىپ قالعان. سول سەبەپتى اياگوز قالاسىنان ءبىزدىڭ قۇتقارۋشىلار بارىپ، 14 ادامدى اياگوز قالاسىنا جەتكىزىپ، سپورت مەكتەبىنە ەۆاكۋاتسيا جاسادى. حالىققا ەسكەرتەتىنىمىز، الىس جولعا شىققان جاعدايدا اۆتوكولىكتەردى جارىقپەن، جىلى كيىممە، ءدارى- دارمەكپەن قامتاماسىز ەتكەن دۇرىس. ساقىلداعان سارى ايازدىڭ سالدارىنان كەيبىر نىساندار دا سىر بەرىپ جاتىر. وسكەمەندەگى تەمىر جول ۇستىنەن سالىنعان كوپىردىڭ بەتوندى اسفالت جابىندىسى جارلىپ كەتتى. بۇل كوپىردە كولىك ءنوپىرى وتە كوپ. ينفروقۇرىلىمدىق نىسان قالانىڭ ورتالىعى مەن شەتكى اۋداندارىن بايلانىستىرىپ جاتىر.

ولجاس كەرەيحان، ءتىلشى:

- بۇل كوپىر 1960 -جىلداردىڭ باسىندا سالىنعان. مامانداردىڭ ايتۋىنشا، سودان بەرى كونسترۋكتسياسى بىردە- ءبىر رەت جوندەلمەگەن. بيىل جازدا كوپىردىڭ ۇستىندەگى اسفالت جاڭالانعان. سوڭعى ەكى ءۇش كۇندەگى قاتتى سۋىققا شىداس بەرمەي، سول اسفالت جارىلعان. ال كوپىر 25 توننا سالماققا ەسەپتەلگەن. كوپىردەگى جارعىشاقتان قاۋىپتەنگەن تۇرعىندار ۇيالى تەلەفونعا ءتۇسىرىپ، الەۋمەتتىك جەلىگە جۇكتەگەن. وسىدان سوڭ قالالىق تۇرعىن ءۇي كوممۋنالدىق ءبولىمىنىڭ ماماندارى ارنايى كوميسسيا قۇرىپ، تاۋەلسىز ساراپشىلارمەن بىرگە كوپىرگە تەكسەرۋ جۇرگىزدى. ناتيجەسىندە تەحنيالىق ساراپشى- ماماندار كوپىردىڭ نەگىزگى تەمىر قۇرىلىمدارى مەن استىڭعى تىرەۋ باعاندارى امان ەكەنىن انىقتادى. ماماندار ءسال جارعىشاقتان ەش قاۋىپ جوق دەپ وتىر.

ۆلاديمير يارمولەنكو، تەحنيكا عىلىمدارىنىڭ دوتسەنتى:

- بۇل اۋا رايىنىڭ قولايسىزدىعىنان بولعان دەفورماتسيالىق جارعىشاقتار. ازىرشە ەش قاۋىپ جوق. ءبىراق بولاشاقتا تەمىر- تىرەۋىش كونسترۋكتسيالارىن قايتا تەكسەرىپ جوندەۋ كەرەك. بەتوندى- اسفالت قاتتى ايازعا شىداس بەرمەي جارىلىپ كەتكەن. سوققان بوران مەن ايازدا جولدا قالعان جولاۋشىلارعا كومەك كورەستۋ ءۇشىن ايماقتا 15 جىلىتۋ بەكەتى قۇرىلعان. ول جەردە نەگىزىنەن قار تازالايتىن اۋىر تەحنيكا مەن جانار- جاعارماي ساقتالادى. ال ايماقتا 6 مىڭ شاقىرىمعا جۋىق اۆتوكولىك جولى بار.

نۇربەك تۇراروۆ، وبلىستىق اۆتوكولىك جولدارى باسقارماسى باسشىسىنىڭ ورىنباسارى:

- بيىلعى جىلى جەرگىلىكتى اتقارۋشى ورگانداردىڭ بارلىق قاراجاتتارى 2020 -جىلعا ەسەپتەگەندە جالپى كولەمى 5 ميللياردقا جەتەدى. سونىڭ ىشىندە 1,5 ميللياردى وسى قىس مەزگىلىنە قاراستىرىلعان. قاراستىرىلعان قارجى جولدى، قاردان تازالاپ، قۇم سەۋىپ كۇتىپ- باپتاۋعا جەتەدى. ەسەسىنە وسكەمەندەگى قوعامدىق كولىكتەر العاشقى ايازدا- اق سىر بەرىپ جاتىر. اسىرەسە جاڭادان بوي كوتەرگەن شەتكى شاعىن اۋدان تۇرعىندارى سارى ايازدا ساعاتتاپ اۆتوبۋس كۇتۋگە ءماجبۇر. دەگەنمەن قازگيدرومەت ماماندارى الداعى ءبىر- ەكى تاۋلىكتە ايازدىڭ بەتى قايتاتىنىن مالىمدەدى. ءبىراق الدا ءالى قاھارلى قاڭتار، اق بورانى بار اقپان تۇر.

ولجاس كەرەيحان، جىگەر باباحانوۆ