مەرەكەدە ىشكى ىستەر ورگاندارىنىڭ جەكە قۇرامى كۇشەيتىلگەن قىزمەتكە كوشەدى
بۇل تۋرالى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز بريفينگىدە ءمالىم ەتتى، دەپ حابارلايدى قازاقپارات ءتىلشىسى.
«جاڭا جىل قارساڭىندا ىشكى ىستەر ورگاندارىنىڭ جەكە قۇرامى كۇشەيتىلگەن قىزمەتكە كوشەدى. پوليتسيا قۇقىقتىق ءتارتىپ پەن ازاماتتاردىڭ قاۋىپسىزدىگىن، جول قاۋىپسىزدىگىن قامتاماسىز ەتۋ، سونداي- اق قۇقىق بۇزۋشىلىقتار مەن قىلمىستاردىڭ الدىن الۋ بويىنشا ءىس- شارالار كەشەنىن جۇرگىزىپ جاتىر. قۇقىق بۇزۋشىلىقتار تۋرالى حابارلامالارعا ۋاقتىلى دەن قويۋ ءۇشىن مەرەكەلىك ءىس- شارالار كەزىندە پوليتسيا اۆتوپاترۋلدەرىنىڭ سانى كوبەيتىلەدى»، - دەدى رەسمي وكىل. ونىڭ ايتۋىنشا، ءىس-شارالار وتكىزىلەتىن جانە ازاماتتاردىڭ جاپپاي قىدىراتىن ورىندارىندا، كوشەلەردە پوليتسيا ناريادتارىنىڭ، ونىڭ ىشىندە جاياۋ ناريادتاردىڭ سانى ارتادى.
قوعامدىق ورىنداردا بەينەباقىلاۋ كۇشەيتىلەدى. بۇدان بۇرىن حابارلانعانداي، اپتا ىشىندە 3031 قىلمىس تىركەلىپ، تاۋلىك ىشىندە ونىڭ 1977 سىنىڭ بەتى اشىلدى.
اۆتور: رۋسلان عابباسوۆ
