08:28, 28 - جەلتوقسان 2020 | GMT +5
فۋتزالدان قازاقستان چەمپيوناتى كەيىنگە شەگەرىلدى
نۇر-سۇلتان. قازاقپارات - فۋتزالدان قازاقستان چەمپيوناتىنىڭ ويىندارى كەيىنگە شەگەرىلدى، دەپ حابارلايدى قازاقپارات.
قازاقستان فۋتبول فەدەراتسياسىنىڭ رەسمي مالىمدەمەسىنە سۇيەنسەك، فۋتزال چەمپيوناتى كارانتين رەجيمىنىڭ كۇشەيۋىنە بايلانىستى ۋاقىتشا توقتاتىلدى.
«الماتى قالاسىنىڭ باس مەملەكەتتىك دارىگەرىنىڭ 66№ جارعىسىنىڭ قاۋلىسىمەن فۋتزالدان قازاقستان چەمپيوناتىنىڭ 27- تۋرىنىڭ ويىندارى كەيىنگە شەگەرىلدى. ويىندار الماتى قالاسىنداعى «قايرات» جانە «زەنيت» سپورت كەشەندەرىندە وتەدى. قازاقستان چەمپيوناتىنىڭ IV اينالىمى مەن پلەي-وفف كەزەڭىنىڭ ويىن كەستەسى كەيىن حابارلانادى»، - دەلىنگەن فەدەراتسيا اقپاراتىندا.
ايتا كەتەيىك، فۋتزالدان ەل بىرىنشىلىگى ءداستۇر بويىنشا «كۇز/كوكتەم» فورماتىندا ۇيىمداستىرىلادى.
الايدا ەلدەگى كارانتين جاعدايلارىنا بايلانىستى جارىس ەرەجەسى وزگەرۋى مۇمكىن.
