الماتى وبلىسىندا «نۇر جولى» كەدەن بەكەتىندە جۇرگىزۋشىلەردەن پارا العان مامانعا سوت ۇكىمى شىقتى
«نۇر جولى» كەدەن بەكەتىنىڭ باس مامانى كراسيلنيكوۆ ا. ۆ- عا قاتىستى سوت الدى تەرگەۋ اياقتالدى. ول جۇرگىزۋشىلەردەن پارا الدى دەپ كۇدىكتەلگەن. 2020 -جىلدىڭ 25 - جەلتوقسانىندا پانفيلوۆ اۋداندىق سوتىنىڭ ۇكىمىمەن كراسيلنيكوۆ سوتتالدى. ول 770000 تەڭگە ايىپپۇل تولەۋگە مىندەتتەلىپ، ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى. سونداي- اق پارا بەرگەن جۇرگىزۋشىلەر دە سوتتالدى»، - دەلىنگەن سىبايلاس جەمقورلىققا قارسى ءىس- قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ رەسمي حابارلاماسىندا.
سوتتالعان مامان جۇرگىزۋشىلەردەن قىتايعا تاۋاردى تەزدەتىپ كىرگىزىپ بەرۋ ءۇشىن پارا العان. ايتا كەتەيىك، «نۇر جولى» كەدەن بەكەتىندە پاندەميا باستالعالى مىڭداعان كولىكتەر قىتاي ەلىنە كىرە الماي كەپتەلىستە تۇر. سەبەبى، قىتاي تاراپى كولىكتەردى قابىلداۋعا شەكتەۋ قويعان. تاۋار الۋعا كەزەكتە تۇرعان جۇرگىزۋشىلەر پارا بەرگەندەردىڭ كولىكتەرى تەزىرەك جىلجيتىنىن ايتىپ، بىرنەشە رەت شاعىمدانعان بولاتىن.
اۆتور: سامال قابىشيەۆا