سيمپتومسىز كوروناۆيرۋس قانشالىقتى قاۋىپتى

بۇل تۋرالى الماتى قالالىق اۋرۋحاناسىنىڭ ءبولىم باسشىسى رۋسلان يميندجانوۆ ايتتى، دەپ حابارلايدى قازاقپارات ءتىلشىسى.

دارىگەردىڭ ايتۋىنشا، سيمپتومسىز تاسىمالداۋشىلاردىڭ اعزاسىنداعى ۆيرۋس ءبىر- ەكى اپتادان كەيىن بىلىنەدى. جاعدايى ورتاشا پاتسيەنتتەردە ۆيرۋستى پ ت ر - تەست ءۇش اپتادان كەيىن كورسەتۋى مۇمكىن.

«بۇگىنگى تاڭدا ۆيرۋس حالىقتىڭ بارلىق توبىنا ءقاۋىپتى. سيمپتومسىز ءتۇرى ءقاۋىپ مۇلدەم جوق دەگەن ءسوز ەمەس. مۇنداي ناۋقاستاردىڭ كوڭىل- كۇي جاقسى بولعانىمەن، قانىندا ءبارىبىر ۆيرۋس بولادى. ياعني، ول قورشاعان ورتاعا بەلسەندى تۇردە تاراتادى. دارىگەرلەر ولاردى «سۋپەرتاسىمالداۋشى» نەمەسە «سۋپەرديستريبيۋتورلار»، - دەپ اتايدى.ويتكەنى ولاردا اۋرۋدىڭ بەلگىلەرى بولماۋى مۇمكىن. باستى قاۋىپ وسىندا. ناۋقاس از عانا ۋاقىت ىشىندە بىرنەشە ادامعا جۇقتىرۋى مۇمكىن»، - دەيدى رۋسلان يميندجانوۆ.

سيمپتومسىز ناۋقاستار انىقتالعان كەزدە كارانتيندىك شارالاردى ساقتاي وتىرىپ، ءۇي جاعدايىندا مەديتسينالىق باقىلاۋ ۇسىنىلادى. كوروناۆيرۋس ينفەكتسياسى يممۋندىق جۇيەسى جاقسى جانە دەنساۋلىعى مىقتى جاستاردا سيمپتومسىز وتەدى.

«مەن تۇرعىنداردان، اسىرەسە جاڭا جىل مەرەكەسى قارساڭىندا اۋرۋدان بارىنشا قورعانۋلارىن سۇرايمىن. الەۋمەتتىك اراقاشىقتىقتى ساقتاۋدى ۇمىتپاڭىزدار. ادام كوپ جينالاتىن ورىندارعا بارماعان ءجون. ماسكا تاعىپ ءجۇرۋدى ادەتكە اينالدىراتىن ۋاقىت كەلدى. جرۆي بەلگىلەرى بولسا ۇيدەن شىقپاڭىز، دارىگەردى ۇيگە شاقىرىڭىز، كوروناۆيرۋستىق ينفەكسياعا ارنالعان پ ت ر اناليزىن تاپسىرعان دۇرىس. ءوزىڭىزدى وقشاۋلاۋ ارقىلى بالالاردى جانە ەگدە جاستاعى وتباسى مۇشەلەرىن قورعاڭىز»، - دەدى دارىگەر.