فەيك اقپارات: قازاقستاننىڭ تاۋەلسىزدىگىن جويۋدى ماقسات ەتەتىن «ۇ ا ق» دەگەن ۇيىم جوق

الەۋمەتتىك جەلىلەردەگى اقپاراتقا سايكەس، ونىڭ باسشىسى رەسەي مەملەكەتتىك دۋماسىنىڭ دەپۋتاتى ەۆگەنيي فەدوروۆ. جەل قولدانۋشىلارىنىڭ ايتۋىنشا، ۇ ا ق ۇيىمى اشىق جۇمىس ىستەيدى، ءتىپتى الماتى مەن نۇر- سۇلتانداعى ءوز كەڭسەلەرىنە شاقىرىپ، قازاقستاندىقتار اراسىنان جاڭا مۇشەلەرىن قابىلداۋدا. شىندىعىندا، مۇنداي ۇيىم جوق.

«بۇل اقپارات تەكسەرىلدى. جوعارىدا اتالعان مەكەنجاي بويىنشا جانە جالپى، ەلوردا اۋماعىندا «ۇ ا ق» دەپ اتالاتىن ۇيىمنىڭ شتابى جوق. سىلتەمە فەيك، ال وسى ۇيىمدا اتى اتالعان ادامدار ق ر ازاماتتارى ەمەس. ارانداتۋشىلىق ارەكەتتەرگە بارماۋلارىڭىزدى سۇرايمىز»، - دەپ حابارلادى نۇر- سۇلتان قالاسىنىڭ پوليتسيا دەپارتامەنتى.

ايتا كەتەيىك، فەيك اقپاراتتىڭ باستاپقى دەرەككوزى جويىلدى. «بارشاڭىزدى تەك رەسمي اقپاراتقا عانا سەنۋگە شاقىرامىز! جاڭالىقتىڭ شىنايىلىعىن ءبىزدىڭ پورتالدىڭ كومەگىمەن تەكسەرۋگە بولادى. ءوزىڭىزدى قىزىقتىرعان اقپاراتتى t.me/stopfake_kz Telegram-ارناسىنا نەمەسە 77077395599 WhatsApp نومىرىنە جىبەرىڭىز»، - دەلىنگەن حابارلامادا.