كوروناۆيرۋسقا قارسى قازاقستاندىق ۆاكسينا قاشان شىعادى

«وتاندىق ۆاكسينا كلينيكاعا دەيىنگى زەرتتەۋدەن ءوتتى، ءبىرىنشى جانە ەكىنشى فازادان ءوتىپ، كلينيكالىق زەرتتەۋدىڭ شەشۋشى ءۇشىنشى فازاسىنا كەلدى. ءبىز ءبارىن حاتتاماعا، حالىقارالىق ستاندارتقا جانە تالاپتارعا سايكەس جاساپ جاتىرمىز. بارلىق پرينتسيپتەر مەن بارلىق نورمالاردى ساقتاۋىمىز كەرەك. بۇل وتە ماڭىزدى، ويتكەنى اڭگىمە حالىقتىڭ قاۋىپسىزدىگى جايىندا بولىپ وتىر، سوندىقتان ءبىز ءاربىر ءراسىمى بويىنشا بارلىق تالاپتاردى ساقتايمىز. ناۋرىز ايىنىڭ ورتاسىندا بۇل ۆاكسينانى شىعارىپ، ازاماتتاردى ۆاكسينالاي باستاۋدى جوسپارلاپ وتىرمىز»، - دەپ جاۋاپ بەردى ءبىلىم ءمينيسترى ءتىلشى سۇراعىنا.

ايتا كەتەيىك، 2020 -جىلعى جەلتوقسان ايىنىڭ سوڭىنا دەيىن ءۇش مىڭ ەرىكتىنى ۆاكسيناتسيالاۋ اياقتالاتىن بولادى. III كەزەڭدى وتكىزۋ ءۇشىن 10 مىڭ دوزا كولەمىندە ۆاكسينانىڭ قاجەتتى پارتياسى شىعارىلعان. وتاندىق ۆاكسينانى جاپپاي ەگۋ 2021 -جىلدىڭ ناۋرىز ايىندا باستالادى. ءبىرىنشى كەزەكتە ەرىكتى تۇردە مەديتسينا قىزمەتكەرلەرىنە، پەداگوگتەرگە، سونداي- اق سوزىلمالى اۋرۋلارمەن اۋىراتىن توپتاعى ادامدارعا ەكپە جاسالادى. بۇعان دەيىن اسحات ايماعامبەتوۆ تامىز ايىندا سالدىرعان وتاندىق ەكپەدەن كەيىنگى دەنساۋلىق جاعدايى تۋرالى ايتىپ بەردى.