پەتروپاۆلدا سىرعاناق تەۋىپ جاراقات العان ايەل كوز جۇمدى

سولتۇستىك قازاقستان وبلىسى دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، 37 جاستاعى ايەل جاراقات العاننان كەيىن بىردەن وبلىستىق كوپسالالى اۋرۋحاناعا جەتكىزىلگەن ەدى.

كوماعا تۇسكەن ول ءبىر اپتا ەسىن جيماستان جاتتى. باسسۇيەك جاراقاتىن العان ايەلگە ەكى رەت وتا جاسالدى. وكپەنى جاساندى جەلدەتۋ اپپاراتىندا جاتتى.

دارىگەرلەر قولدان كەلگەننىڭ ءبارىن جاساعانىمەن بۇگىن جاراقات العان ايەل تاڭعى ساعات 6:59 دا قايتىس بولدى.

وقيعا پەتروپاۆلدا مەرەكە كۇندەرى بولدى. بوركي كەنتىندەگى شاڭعى بازاسىنا ايەل سىرعاناق تەبۋگە بارعان. ونىڭ تيۋبينگى اعاشقا سوعىلىپ، ايەل قاتتى جاراقات العان ەدى.

پەتروپاۆلداعى بوركي كەنتى شاڭعى بازاسىنداعى سىرعاناق ارنايى جاراقتاندىرىلماعان. سوعان قاراماستان مۇندا قالا تۇرعىندارى وتباسىمەن دەمالۋعا كەلەتىن. وسى وقيعادان كەيىن سىرعاناق جابىلدى.