ب ۇ ۇ ادامزات باۋىرلاستىعىنىڭ حالىقارالىق كۇنىن جاريالادى

سەيسەنبى كۇنى ب ۇ ۇ باس اسسامبلەياسى بىرىككەن اراب امىرلىكتەرى، باحرەين، مىسىر جانە ساۋد ارابياسىنىڭ باستاماسى بويىنشا 4- اقپان كۇنىن ادامزات باۋىرلاستىعىنىڭ حالىقارالىق كۇنى دەپ بەلگىلەگەن قارار قابىلدادى.

بۇل قۇجات ءدىنارالىق جانە مادەنيەتارالىق ديالوگقا جاردەمدەسۋگە باعىتتالعان. ال داتا بولسا، 2019-جىلدىڭ 4- اقپانىندا ءابۋ-دابيدە ەڭ كونە جانە ەڭ بەدەلدى يسلام ۋنيۆەرسيتەتى ءال- ازحاردىڭ جوعارعى يمامى، شەيح احمەد ءال-تايب جانە ريم كاتوليك شىركەۋىنىڭ پاپاسى فرانتسيسكتىڭ «بۇكىل الەمدە بەيبىتشىلىك پەن بىرلەسكەن ءومىر ءۇشىن ادامزات باۋىرلاستىعى تۋرالى قۇجاتقا» قول قويۋىنا بايلانىستى تاڭدالعان.

قارار قابىلدانعان كۇننىڭ الدىندا ب ا ءا- ءنىڭ ب ۇ ۇ- داعى ەلشىسى مەن تۇراقتى وكىلى لانا نۋسسەيبە: «سوڭعى ۋاقىتتا الەمدە زورلىق، وشپەندىلىكتى قوزدىرۋ، كسەنوفوبيا، ءدىني فاناتيزم جانە كەمسىتۋشىلىكتىڭ وزگە دە فورمالارىنىڭ كۇرت ءوسۋى بايقالىپ وتىر. ءبىز وسىنداي ترانسۇلتتىق قاۋىپتەرگە قارسى ادامدار اراسىندا «ادامزات باۋىرلاستىعى» رۋحىنداعى نيەتتەستىك پەن بىرلىكتى كوتەرمەلەيتىن باستامالاردى قولداۋىمىز قاجەت. ادامزات باۋىرلاستىعىنىڭ جوعارعى كوميتەتىندەگى (HCHF) باس حاتشى گۋدجە موحامەد ابدەلسالام ءوز كەزەگىندە بۇل بۇكىل الەمنىڭ جاۋاپكەرشىلىگىنە اينالعانىن اتاپ ءوتتى. قاراردىڭ بىرلەسكەن اۆتورلارى رەتىندە ب ۇ ۇ- عا مۇشە 34 مەملەكەت قوسىلدى.