ساكەن مايعازيەۆ لاۋازىمدى قىزمەتكە تاعايىندالدى

شىمكەنت. قازاقپارات - شىمكەنت قالاسى مادەنيەت، تىلدەردى دامىتۋ جانە ارحيۆتەر باسقارماسى باسشىسىنىڭ مىندەتىن اتقارۋشى ەسەنوۆا حانزادا ءازىمحان قىزىنىڭ وكىمىمەن «شىمكەنت قالالىق مادەنيەت ءۇيى» كونسەرتتىك ۇيىمى» م ك ق ك ديرەكتورىنىڭ مىندەتىن اتقارۋشىسى بولىپ مايعازيەۆ ساكەن قورداباي ۇلى تاعايىندالدى، دەپ حابارلايدى قازاقپارات.

ساكەن قورداباي ۇلى 1975 -جىلى 1 قاڭتاردا تۇركىستان وبلىسى سوزاق اۋدانىندا دۇنيەگە كەلگەن. 1993 -جىلى ج. ەلەبەكوۆ اتىنداعى رەسپۋبليكالىق ەسترادا - سيرك كوللەدجىندە «سوقپالى اسپاپتار جانە ەسترادا ءانشىسى» ءبولىمى بويىنشا ءبىلىم العان.

1997 -جىلى ت. جۇرگەنوۆ اتىنداعى «ونەر» اكادەمياسىنىڭ «ەسترادا ءانشىسى» ءبولىمى بويىنشا ءبىلىم العان. 2001 -جىلدان باستاپ «مۋزارت» توبىنىڭ مۇشەسى بولىپ تاعايىندالدى. 2012 -جىلدان باستاپ - ج. ەلەبەكوۆ اتىنداعى ەسترادا جانە سيرك كوللەدجىندە ۇستاز قىزمەتىن اتقاردى. 2018-2020 -جىلدار ارالىعى ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ شىعارماشىلىق جۇمىستار جانە حالىقارالىق بايلانىستار جونىندەگى پرورەكتورى قىزمەتىن اتقاردى.

ساكەن قورداباي ۇلى قازاقستان رەسپۋبليكاسىنىڭ مادەنيەت قايراتكەرى، قازاقستاننىڭ ەڭبەك سىڭىرگەن قايراتكەرى، «دارىن» مەملەكەتتىك جاستار سىيلىعى ماراپاتتارىنىڭ يەگەرى.