«الماتى بىزدىكى»: قارۋلانعان ادامداردى پوليتسيا ىزدەستىرىپ جاتىر
الماتى. قازاقپارات - الماتىدا جاستار «الماتى بىزدىكى» دەپ ايعايلاپ تاپانشادان وق اتقان.
الەۋمەتتىك جەلىدە تارالعان بۇل ۆيدەو كوپشىلىكتىڭ نارازىلىعىن تۋدىردى، دەپ حابارلايدى قازاقپارات ءتىلشىسى.
قالالىق پ د بۇل ۆيدەوعا قاتىستى تۇسىنىك بەردى. جاس جىگىت پاتەرىنىڭ تەرەزەسىنەن اسپانعا وق اتقان. سوسىن تۇندە دالاعا وق اتقان. ەكى ۆيدەوروليكتى دە ءبىر قولدانۋشى جاريالاعان. بوستاندىق اۋدانى پ ب اتالعان ۆيدەوداعى كۇدىكتىلەردىڭ جەكە باسىن انىقتادى.
«ولار مىندەتتى تۇردە ۇستالىپ، جاۋاپكەرشىلىككە تارتىلاتىن بولادى. ولاردىڭ ارەكەتىنە قۇقىقتىق باعا بەرىلەدى. ءبىز مىندەتتى تۇردە ۆيدەودا قانداي قارۋ قولدانىلعانىن انىقتايتىن بولامىز»، - دەدى پوليتسيادان.
اۆتور: گۇلميرا عوسمانالي
