د د س ۇ: كوروناۆيرۋس جۇقتىرعانداردىڭ رەكوردتىق سانى تىركەلدى

ۇيىم جۇرگىزگەن ساناق بويىنشا، سوڭعى جەتى كۇننىڭ ىشىندە COVID-19 عالامشاردىڭ 4,6 ميلليون استام تۇرعىنىنان انىقتالعان. بۇل وتكەن اپتامەن سالىستىرعاندا 6 پايىز كوپ.

«COVID-19 ۆيرۋسىنا شالدىعۋ جانە ودان قايتىس بولۋ جاڭا وقيعالارىنىڭ سانى وتكەن اپتادا تيىسىنشە 6 پايىز جانە 4 پايىزعا ءوستى»، - دەلىنگەن د د س ۇ مالىمدەمەسىندە.

سوڭعى اپتادا اۋرۋ جۇقتىرۋدىڭ ەڭ كوپ وقيعاسى ا ق ش- تا (1,6 ميلليون، %14 + )، برازيليادا (326 مىڭ، %8 + )، تۇركيادا (194 مىڭ، %11 + ) جانە رەسەيدە (194 مىڭ، %18 + ).

اۋرۋ جۇقتىرۋ وقيعالارىنىڭ ەڭ كوپ ۇلەسى امەريكا ەلدەرىندە، بۇل رەتتە ەۋروپا اپتا ىشىندە تىركەلگەن ءولىم وقيعالارىنىڭ سانى جاعىنان كوش باستاپ تۇر. ۇيىمنىڭ جۇرگىزگەن ەسەبى بويىنشا، الەمدە كوروناۆيرۋس جۇقتىرۋدىڭ 75 ميلليون استام جاعدايى جانە 1,6 ميلليون استام ءولىم وقيعاسى تىركەلگەن. الەمدە ۆيرۋس تارالۋىنىڭ ستاتيستيكاسىن جۇرگىزەتىن دجونس حوپكينس ۋنيۆەرسيتەتى بولسا، ۆيرۋس جۇقتىرعان 77,8 ميلليون جانە قايتىس بولعان 1,7 ميلليون ادام تۋرالى مالىمەت بەردى.