تۇركيادا «ءبارى قاراستىرىلعان» جۇيەسىنىڭ جاعدايى قالاي بولماق؟

الەۋمەتتىك ارا قاشىقتىق ماسەلەسى ەسكەرىلىپ، شەكتەۋلەر ەنگىزىلگەن بولاتىن. ەندىگىدە قوناق ءۇي اۋماعىنداعى مەيرامحانالار 10:00 دەن 20:00 گە دەيىنگى ارالىقتا عانا اشىق، قالعان ۋاقىتتا تەك نومەرگە تاپسىرىس بەرۋگە بولادى. سونىمەن قاتار، تۋريستەرگە شۆەد ۇستەلىنەن تاعام الۋعا تىيىم سالىنعان، بۇل قىزمەتتى ارنايى اسپاز اتقارادى، ول ءار قوناققا تاعامداردى سالىپ بەرەدى. بالكىگايانىڭ ايتۋىنشا، بۇل وزگەرىستەر قىزمەت كورسەتۋ ساپاسىنا ەش اسەر ەتپەگەن. ول مۇنىڭ تازالىق ەرەجەسىنە سايكەس جۇزەگە اسىرىلاتىنىن ايتتى.

سونىمەن قاتار، مامان وسى all inclusive كونسەپتسياسى تۇركياعا الەمدىك تۋريزمدە ابىرويلى باسەكەلەس بولۋعا مۇمكىندىك بەرەتىنىن جاسىرمادى. سول سەبەپتى «ءبارى قاراستىرىلعان» جۇيەسىندە جاڭا وزگەرىستەر بولا قويماسىنا كامىل سەنەدى.

«ەگەر پاندەميامەن كۇرەس تابىستى اياقتالسا، وندا « ء بارى قاراستىرىلعان « جۇيەسى ءوز قالپىنا قايتىپ كەلەدى. الايدا پاندەمياعا بايلانىستى قاۋىپ ساقتالۋىنا وراي، 2021 -جىلى بيىل قابىلدانعان شارالار ءوز كۇشىندە قالادى»، - دەپ تۇيىندەدى ول.

وسىعان دەيىن، Kaz.tengritravel.kz جاڭا جىلدا تۇركيانىڭ تاۋ شاڭعىسى كۋرورتتارى قالاي جۇمىس ىستەيتىنى تۋرالى جازعان ەدى.

ءتورت تاۋ شاڭعىسى كۋرورتى - ەردجيەس، پالاندوكەن، ۋلۋداگ جانە كارتالكايا – 31-جەلتوقسان مەن 4-قاڭتار ارالىعىندا تولىققاندى جۇمىس ىستەۋدى جوسپارلاپ وتىر. قازىر پالاندوكەن جانە ەردجيەس كۋرورتتارىندا شاڭعى ماۋسىمى اشىلدى. سوڭعى بىرنەشە كۇندە ەكى كۋرورتتا دا ازداعان قار تۇسكەن، سونىمەن قاتار جاساندى قار قۇرىلعىلارى دا بەلسەندى جۇمىس ىستەپ تۇر.