الماتى وبلىسىندا جولدان تابىلعان بالاعا بايلانىستى پوليتسيا پىكىر ءبىلدىردى
«جولدان تابىلعان بالا بويىنشا ءمان-جاي انىقتالىپ جاتىر. ونىڭ اتا-اناسىنا قولدانىلاتىن شارا بويىنشا اقپارات بەرىلەدى»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمدەمەسىندە.
ەستەرىڭىزگە سالا كەتەيىك، بۇگىن بەلگىسىز ەر ازامات جولدىڭ بويىنان كىشكەنتاي ۇل بالانىڭ جۇرگەنىن بايقاپ، ونى بەينەجازباعا ءتۇسىرىپ، اتا-اناسىن تابۋعا كومەك سۇراعان بولاتىن.
«اقشي بازا جاقتان كەلە جاتىرمىن. جولدا كەلە جاتىپ، تراسسادان بالا تاۋىپ الدىم»، - دەيدى بەينەجازبا اۆتورى بالانى كورسەتە وتىرىپ. سونداي-اق ول بالادان اتا-اناسىنىڭ قايدا ەكەنىن سۇرايدى. «انا جاقتا»، - دەپ بالا جاۋاپ بەرەدى. ءبىراق بەينەجازبادا جاقىن ماڭدا ەشكىمنىڭ كورىنبەيتىنىن بايقاۋعا بولادى.
اۆتور: سامال قابىشەۆ
