ءان شىرقاۋ ادام ءومىرىنىڭ ۇزارۋىنا قالاي اسەر ەتەدى؟

بۇل جايلى Express باسىلىمى جازادى.

زەرتتەۋشىلەردىڭ ايتۋىنشا، ءان ايتقان ادامنىڭ پسيحولوگيالىق جانە فيزيولوگيالىق جاعدايى تۇراقتالىپ، دەنساۋلىعى جاقسارادى. سونداي-اق، ءان ايتۋدى ادەتكە اينالدىرعانداردىڭ ءومىرى ۇزاراتىن كورىنەدى.

ءان ايتۋ كارىلىك پەن التسگەيمەر اۋرۋىنىڭ الدىن الادى. ويتكەنى ءان ايتقان كەزدە ميعا وتتەگى كوپ باراتىن كورىنەدى. سونىڭ ارقاسىندا قان قىسىمى رەتتەلەدى.

زەرتتەۋ دالەلدەگەندەي، ادام سۇيىكتى ءانىن ورىنداعاندا اعزاسىنا باقىت گورمونى ەندورفين ءبولىنىپ، كوڭىل-كۇيى كوتەرىلەدى، كۇيزەلىسى قايتادى. سونداي-اق ەسكەرە كەتەر تاعى ءبىر جايت، عالىمداردىڭ ايتۋىنشا، ءان ايتۋ ءۇشىن ۆوكال مەن «داۋىستىڭ» قاجەتى جوق، تەك سۇيىكتى ءانىڭىزدى ءسۇيىپ ورىنداساڭىز بولعانى.

بۇعان دەيىن چيلي عالىمدارى جاستايىنان مۋزىكامەن اينالىسقان بالانىڭ كوگنيتيۆ ويلاۋى دامىپ، ەستە ساقتاۋ قابىلەتى ارتاتىنىن ايتقان ەدى. نەيروبيولوگتاردىڭ ايتۋىنشا، مۋزىكا بالانىڭ جادى مەن ەستۋ قابىلەتىن اجەپتاۋىر جاقسارتادى.

massaget.kz