جاستارعا ءوز دەنساۋلىعىن قورعاۋعا كومەكتەسەتىن ارنايى ءموبيلدى قوسىمشا ىسكە قوسىلادى
نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى مەن بۇۇ تۇرعىن حالىق سالاسىنداعى (يۋ ن ف پ ا) قورى جاسوسپىرىمدەر مەن ولاردىڭ اتا- انالارى ءۇشىن رەپرودۋكتيۆتى دەنساۋلىق تۋرالى اقپارات بەرەتىن بايلانىس پاكەتىن ىسكە قوستى، دەپ حابارلايدى قازاقپارات ءتىلشىسى.
وسىلايشا، ارنايى ۆەب- سايت، ءموبيلدى قوسىمشا جانە Telegram كانالىنداعى چات- بوت ىسكە قوسىلادى. بۇل قۇرالدار ۇكىمەت قولداۋىمەن جاستاردىڭ دەنساۋلىعى مەن ءال- اۋقاتىنا ينۆەستيتسيا سالۋدى جالعاستىرۋ ماقساتىندا جاسالعان. اتالمىش جوبا ۇلتتىق ستراتەگيالاردا كورسەتىلگەن، سونىمەن قاتار نايروبي سامميتىندە جاريالانعان جاستارعا قىزمەت كورسەتۋ جۇيەسىن نىعايتۋ جانە ينستيتۋتتاندىرۋ قادامدارىنىڭ ءبىرى سانالادى. بايلانىس ونىمدەرىنەن باسقا، جاستارعا كورسەتىلەتىن قىزمەتتەردى كۇشەيتۋ ماقساتىندا تۇراقتى دامۋ ستراتەگياسىن ازىرلەۋمەن قاتار ەلدەگى جاستار دەنساۋلىق ورتالىقتارىن (ج د و) قارجىلاندىرۋ كوزدەلىپ وتىر.
«جاستار دەنساۋلىق ورتالىعى كامەلەتكە تولماعاندارعا مەديتسينالىق- پسيحولوگيالىق كومەك كورسەتەتىن دەنساۋلىق ساقتاۋ سۋبەكتىلەرىنە اينالادى ولاردىڭ باستى ماقساتى - جاسوسپىرىمدەر مەن جاستار اراسىندا سالاۋاتتى ءومىر سالتىن ناسيحاتتاۋ جانە رەپرودۋكتيۆتى دەنساۋلىقتى قورعاۋ، ونىڭ ىشىندە ەرتە جىنىستىق بەلسەندىلىكتىڭ الدىن الۋ، كونتراتسەپتيۆتەردى قولدانۋ، ەرتە جۇكتىلىكتىڭ الدىن- الۋ، وتباسىن جوسپارلاۋ جانە جىنىستىق جولمەن بەرىلەتىن ينفەكتسيالار تۋرالى اقپاراتتاندىرۋ» ، - دەدى دەنساۋلىق ساقتاۋ ۆيتسە- ءمينيسترى اجار عينيات.
دەنساۋلىق ساقتاۋ مينيسترلىگى يۋ ن ف پ ا- نىڭ قولداۋىمەن وتكىزگەن زەرتتەۋى كورسەتكەندەي، 15-19 جاس ارالىعىنداعى جاسوسپىرىمدەردىڭ %30 ى جىنىستىق قاتىناستا، ءبىراق كوپشىلىگى كونتراتسەپتسيانى پايدالانبايدى. ال باسىم كوپشىلىگىنىڭ (%90) ا ق ت ق جانە ج ق ت ب تۋرالى جان- جاقتى ءبىلىمى جوق. تاعى ءبىر زەرتتەۋدە جاستار مەن ولاردىڭ اتا- انالارى جىنىستىق جانە رەپرودۋكتيۆتى دەنساۋلىق سالاسىندا كوبىرەك اقپارات قاجەت ەكەندىگى تۋرالى حابارلاعان. سونىمەن قاتار بۇل سالادا ناقتى اقپارات الۋدا قيىندىقتار بار ەكەنىن جەتكىزگەن.
«جاستاردىڭ جىنىستىق جانە رەپرودۋكتيۆتى دەنساۋلىعىنا ينۆەستيتسيا سالۋ، سونىمەن قاتار ولاردىڭ ءوز دەنساۋلىعى تۋرالى سانالى شەشىمدەر قابىلداۋ، ءوز قۇقىقتارىن ءتۇسىندىرۋ، جىنىستىق قولسۇعۋشىلىقتان باس تارتۋ قۇقىعى، كونسۋلتاتسيا الۋ قۇقىعى، ا ي ت ۆ- نى قوسا العاندا، جىنىستىق جولمەن بەرىلەتىن ينفەكتسيالاردىڭ الدىن الۋ جانە ەمدەۋ قۇقىقتارى مەن مۇمكىندىكتەرىن كەڭەيتۋدى بىلدىرەدى. بۇگىن شىعارىلعان كوممۋنيكاتسيالىق ونىمدەر جاستارعا ءوز دەنساۋلىعىن قالاي قورعاۋعا جانە سانالى شەشىم قابىلداۋعا مۇمكىندىك بەرەتىن تاعى ءبىر قادام بولار دەپ ۇمىتتەنەمىز» ، - دەدى ب ۇ ۇ- نىڭ حالىقتى قونىستاندىرۋ سالاسىنداعى قورىنىڭ قازاقستانداعى وكىلى (يۋ ن ف پ ا)، قىرعىزستان مەن تۇرىكمەنستان ءۇشىن ەلدىك ديرەكتورى دجۋليا ۆالەزە.
«شىن» دەپ اتالاتىن ۆەب- سايت، ءموبيلدى قوسىمشا جانە Telegram كانالىنداعى چات- بوت قازاقستانداعى يۋنفپا- نىڭ تەحنيكالىق قولداۋىمەن جانە اتالمىش ۇيىمنىڭ نيۋ- يوركتەگى پاتەرىنىڭ كومەگىمەن، سونداي- اق ۇلتتىق ساراپشىلار توبىمەن بىرلەسە جاسالعان. ۆەب- سايت، ءموبيلدى قوسىمشا جانە Telegram كانالداعى چات- بوت قازاق جانە ورىس تىلدەرىندە قىزمەت كورسەتەدى. بايلانىس ونىمدەرىنە قالاي قول جەتكىزۋگە بولادى:
ۆەب- سايت - https://shyn.kz/
Telegramكانالىنداعى چاتبوت - @shynkzbot
SShyn.kz� ءموبيلدى قوسىمشاسىن PlayMarket-تەن جۇكتەي الاسىز.
