نۇر-سۇلتان تۇرعىنى قوستانايلىق پوليتسەيلەرگە العىس ايتتى
نۇر-سۇلتان. قازاقپارات - نۇر-سۇلتان قالاسىنىڭ تۇرعىنى ولگا سايبەل قوستاناي وبلىسى سارىكول اۋدانىنىڭ پوليتسيا بولىمىنە العىس حات جولدادى.
پوليتسەيلەر ونىڭ جوعالعان اقشاسىن تاۋىپ بەرگەن، دەپ حابارلايدى قازاقپارات ءتىلشىسى.
«ەلوردا تۇرعىنى وتباسىمەن قوستانايعا بارا جاتقاندا جول بويىنداعى ءدامحانانىڭ جانىنا توقتاپ، 700 مىڭ تەڭگەسى بار ءاميانىن ۇمىتىپ كەتكەن. وبلىستاعى سارىكول جانە التىنسارين اۋداندارىنىڭ پوليتسەيلەرى جەدەل ارەكەت ەتىپ، ءامياندى العان تۇرعىندى انىقتاعان. كەيىنىرەك بەلگىلى بولعانداي، كافەنىڭ جانىنا توقتاعان «گازەل» اۆتوكولىگىنىڭ جۇرگىزۋشىسى جەردەگى ءامياندى تاۋىپ الىپ، 90 شاقىرىمنان استام جەرگە كەتىپ ۇلگەرگەن. ءبىراق ونى التىنسارين اۋدانىنىڭ پوليتسەيلەرى سانيتارلىق بەكەتتە توقتاتقان. ءاميان يەسى جۇبايىمەن بىرگە جەرگىلىكتى پوليتسيا بولىمىنە حات جولداپ، قىزمەتكەرلەرگە جەدەلدىك پەن كاسىبيلىگى ءۇشىن العىس ءبىلدىردى»، - دەدى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز مينيسترلىكتە وتكەن ونلاين بريفينگتە.
