تەرروريزممەن كۇرەس: قازاقستان ەڭ قاۋىپتى ەلدەر رەيتينگىندە نەشىنشى ورىندا تۇر؟

ەلدىڭ يندەكسى 0,901 ءدى قۇراعان - بۇل كورسەتكىش وتە تومەن قاۋىپ دەڭگەيىنە جاتقىزىلادى.

بۇل تۋرالى قازاقپارات energyprom.kz سايتىنا سىلتەمە جاساپ حابارلايدى.

يندەكس ءمانى نەعۇرلىم جوعارى بولسا، ەلدە جانجالدار مەن لاڭكەستىك اكتىلەر سوعۇرلىم ءجيى بولادى. ەگەر يندەكس نولگە تەڭ بولسا، بۇل ەلدە لاڭكەستىك قاۋپى مۇلدەم جوق ەكەنىن بىلدىرەدى.

رەيتينگ مالىمەتتەرىنە سايكەس، انتيكوشباسشىلار ەلدەردىڭ «وندىعىندا» الەمدە لاڭكەستىكتەن بولاتىن ءولىمنىڭ 80 پايىزى بولىپ وتىر. لاڭكەستىك قاۋپى جوعارى ەلدەر رەيتينگىن اۋعانستان، يراك جانە نيگەريا اشىپ وتىر.

2020-جىلدىڭ قاڭتار-قازان ايلارىندا ەلىمىزدە ەكسترەميزم جانە لاڭكەستىكپەن بايلانىستى 189 قىلمىستىق قۇقىق بۇزۋشىلىق تىركەلگەن، بۇل بىلتىرعى جىلمەن سالىستىرعاندا 14,9 پايىز از.

سالىستىرمالى تۇردە: 2019-جىلدىڭ قاڭتار-قازان ايلارىندا 222 وقيعا تىركەلگەن، بۇل الدىڭعى جىلمەن سالىستىرعاندا 24,2 پايىز از. ايماقتىق دەڭگەيدە ەكسترەميزم جانە لاڭكەستىككە بايلانىستى ەڭ كوپ قۇقىق بۇزۋشىلىقتار تۇركىستان وبلىسى مەن الماتى قالاسىندا تىركەلگەن (ءاربىر ايماقتا 29 وقيعادان). انتيكوشباسشىلار تىزىمىنە سونداي-اق شىمكەنت (19 قۇقىقبۇزۋشىلىق) جانە نۇر-سۇلتان قالاسى (15 وقيعا) كىردى.

قۇقىقبۇزۋشىلىقتار ەڭ از تىركەلگەن ايماقتارعا سولتۇستىك قازاقستان، اقمولا جانە پاۆلودار وبلىستارى كىردى.