قازاقستاننىڭ ءبىرقاتار وبلىسىندا اۋا رايىنا بايلانىستى ەسكەرتۋ جاريالاندى

نۇر-سۇلتاندا 21- جەلتوقساندا كۇندىز باتىستان، وڭتۇستىك-باتىستان جەل سوعىپ، ەكپىنى 15 م/س بولادى. اۋا رايى بولجامىنىڭ دالدىگى %95-100.

اقمولا وبلىسىنىڭ كەي جەرلەرىندە 21- جەلتوقساندا بۇرقاسىن بولادى. باتىستان، وڭتۇستىك- باتىستان جەل سوعىپ، كۇشى كەي جەرلەردە 15-20، ەكپىنى 23-28 م/س بولادى.

21- جەلتوقساندا باتىس قازاقستان وبلىسىنىڭ كەي جەرلەرىندە تۇمان تۇسەدى. اۋا رايى بولجامىنىڭ دالدىگى %85-90.

22- جەلتوقساندا سولتۇستىك قازاقستان وبلىسىنىڭ باسىم بولىگىندە قار جاۋىپ، كەي جەرلەرگە تۇمان ءتۇسىپ، بۇرقاسىن بولادى.

باتىستان، وڭتۇستىك-باتىستان جەل سوعىپ، كۇشى 15-20 م/س بولادى.

پەتروپاۆلدا كۇندىز بۇرقاسىن بولادى. باتىستان، وڭتۇستىك-باتىستان جەل سوعىپ، كۇشى 15-20 م/س- قا جەتەدى.

تۇركىستان وبلىسىنىڭ كەي جەرلەرىندە تۇمان ءتۇسىپ، جاياۋ بۇرقاسىن بولادى.

كۇندىز شىعىستان سوعاتىن جەلدىڭ كۇشى سەكۋندىنا 15-20 مەترگە جەتەدى. شىمكەنتتە 21- جەلتوقسان كۇنى تۇمان تۇسەدى. اۋا رايى بولجامىنىڭ دالدىگى %90-95.

قىزىلوردا وبلىسىندا 21- جەلتوقسان كۇنى تۇندە اۋا تەمپەراتۋراسى -21-26- گرادۋس بولادى.

وبلىستىڭ وڭتۇستىگىندە 17 گرادۋس اياز بولادى.

قىزىلوردادا 21- جەلتوقسان كۇنى تۇندە 21-23 گرادۋسقا دەيىن اياز بولادى. ماڭعىستاۋ وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى. اقتاۋدا كوكتايعاق بولادى. اۋا رايى بولجامىنىڭ دالدىگى %85-90.