كيەۆ كوشەلەرىندە قازاقستان تۋرالى بەينەروليك كورسەتىلۋدە
كيەۆ. قازاقپارات - ۋكراينا استاناسىنىڭ ورتالىق كوشەلەرىندە قازاقستان تۋرالى بەينەروليك كورسەتىلۋدە، دەپ حابارلايدى قازاقپارات.
ق ر ۋكرايناداعى ەلشىلىگى ءمالىم ەتكەنىندەي، قازاقستان تاۋەلسىزدىگى كۇنى قۇرمەتىنە ۋكراينالىق ارىپتەستەردىڭ قولداۋىمەن كيەۆتىڭ ورتالىق كوشەلەرىندە ورناتىلعان 57 LED- ەكراندا بەينەروليكتەر بەرىلۋدە.
كادرلاردان قازاقستان استاناسىنىڭ بۇكىل الەمگە بەلگىلى ماقتانىشتارى - «بايتەرەك» پەن «اقوردا»، ق ر تۇڭعىش پرەزيدەنتى - ەلباسى نۇرسۇلتان نازاربايەۆ، قازاقستان حالقى اسسامبلەياسىنىڭ وكىلدەرى، بەيبىتشىلىك پەن كەلىسىم سارايى، مەملەكەت باسشىسى قاسىم- جومارت توقايەۆتىڭ يناۋگۋراتسياسى، ق ر مەملەكەتتىك تۋىنىڭ كوتەرىلۋىنە ارنالعان سالتاناتتى ءىس- شارانى كورۋگە بولادى.
