الماتىدا ساۋدا ورتالىقتارى مەرەكە كۇندەرى قالاي جۇمىس ىستەيدى

بۇل نىسانداردىڭ جۇمىسى قالانىڭ باس سانيتارلىق دارىگەرى جانداربەك بەكشيننىڭ 9 - قاراشادا شىققان №64 قاۋلىسىمەن رەتتەلەتىن بولدى. ساۋدا ايىن ساۋىق ورتالىقتارى كەشكى 22:00-گە دەيىن جۇمىس ىستەيدى. سونىمەن قاتار، ازىق تۇلىك ساتاتىن جابىق بازارلار مەن دۇكەندەردىڭ جۇمىسىنا كەشكى 17:00-گە دەيىن رۇقسات بەرىلەدى. تەك مىندەتتى تۇردە عيمارات ىشىندە 4 شارشى مەترگە ءبىر ادام، ياعني ادام سىيىمدىلىعى 30 پايىزدان اسپاۋى كەرەك.

الماتى اكىمدىگىندە مەرەكە كۇندەرى قوعامدىق كولىكتەردىڭ جۇمىسى وزگەرىسسىز بولادى. اۆتوبۋستار مەن مەترودا ماسكالىق رەجيم قاتاڭ ساقتالادى. قوعامدىق دەنساۋلىق باسقارماسىندا جەدەل جاردەم قىزمەتى، ەمحانالار مەن ستاتسيونارلار مەرەكە جانە دەمالىس كۇندەرى قازاقستان زاڭناماسىنا سايكەس جۇمىس ىستەيتىن بولادى. حالىققا قاجەتتى مەديتسينالىق كومەك تولىق كورسەتىلەتىن بولادى.

قازاقستاندا مەرەكە كۇندەرى وسىنداي نىسانداردىڭ جۇمىسى ەپيدەميولوگيالىق احۋالعا بايلانىستى رەتتەلمەك. بۇعان دەيىن نۇر- سۇلتان قالاسىندا ساۋدا ويىن- ساۋىق ورتالىقتارى جەكسەنبى كۇنى جۇمىس ىستەمەيتىنىن، باسقا كۇندەرى كەشكى ساعات 18:00 دەيىن جۇمىس ىستەيتىنىن جازعان بولاتىنبىز.

اۆتور: گۇلميرا عوسمانالي