ەلوردالىقتار بالكوندا قازاقستان تۋىن ىلە باستادى
نۇر- سۇلتان. قازاقپارات - قازاقستان رەسپۋبليكاسىنىڭ تاۋەلسىزدىگى كۇنى قارساڭىندا استانالىقتار «مەنىڭ تۋىم. مەنىڭ وتانىم!» چەللەندجىنە جاپپاي قولداۋ بىلدىرۋدە، دەپ حابارلايدى قازاقپارات.
ەلوردا اكىمدىگىنىڭ Instagram پاراقشاسىندا جاريالانعان اقپاراتقا سايكەس، قالا تۇرعىندارى اكسيانى قولداپ، بالكوندارىندا مەملەكەتتىك تۋدى ىلە باستادى.
«بۇگىن ءبىزدىڭ ءبارىمىز بىرىگىپ، وتانىمىزعا دەگەن قۇرمەتىمىزدى ءبىلدىرىپ جاتىرمىز! مۇنداي ساتتەردە بويىمىزداعى ءبىرىڭعاي رۋح، پاتريوتيزم ايقىن بايقالادى. مەن قازاقستاندىقتاردىڭ ءبارىن تاۋەلسىزدىك كۇنىمەن قۇتتىقتايمىن. حالقىمىز وركەندەپ، گۇلدەنە بەرسىن»، - دەدى قالا تۇرعىنى ۇلجان مىرزاگەلديەۆا.
چەللەندجدە سونىمەن قاتار ۇكىمەتتىك ەمەس ۇيىمدار مەن باسقا دا ۇيىمداردىڭ وكىلدەرى قاتىسۋدا. وسىلايشا قالالىقتار قازاقستاندىقتاردى الداعى ۇلى مەيراممەن قۇتتىقتاپ، اكسياعا ءۇن قوسۋعا شاقىرادى. جازبا، فوتو نەمەسە ۆيدەونى #مەنىڭ تۋىم #مەنىڭ تۋىم مەنىڭ وتانىم حەشتەگىمەن جاريالاۋ ارقىلى بەلسەندىلىكتى الەۋمەتتىك جەلى ارقىلى دا كورسەتۋگە بولادى.
