قاراشىعاناق كونسورتسيۋمى مەن قازاقستان ۇكىمەتى كوپ جىلدىق داۋدى شەشتى
ەستەرىڭىزگە سالا كەتسەك، قاراشىعاناق جوباسى قازاقستان رەسپۋبليكاسىنىڭ ۇكىمەتى، شەلل (%29,25)، ەني (%29,25)، شيەۆرون (%18)، لۋكويل (%13,5) شەتەلدىك كومپانيالار اليانسى جانە قازمۇنايگاز (%10) اراسىندا جاسالعان ءونىمدى ءبولۋ تۋرالى تۇپكىلىكتى كەلىسىم اياسىندا ىسكە اسىرىلۋدا. 2015 -جىلى رەسپۋبليكا كونسورتسيۋمنىڭ پايدانى بولۋىمەن جانە ادىستەمە بويىنشا ەسەپتەۋلەرىمەن كەلىسپەيتىنىن ءبىلدىردى.
وسى كوممەرتسيالىق كەلىسپەۋشىلىك ناتيجەسىندە قازاقستان ءونىمدى ءبولۋ تۋرالى تۇپكىلىكتى كەلىسىمنىڭ تالاپتارىنا سايكەس حالىقارالىق تورەلىككە جۇگىندى. تورەلىك پروتسەسى ءجۇرىپ جاتقان كەزدە ۇكىمەت پەن كونسورتسيۋم ءوزارا قولايلى شەشىم تابۋ جانە كەلىسپەۋشىلىكتەردى شەشۋ ءۇشىن كەلىسسوزدەر جۇرگىزگەن ەدى.
ەنەرگەتيكا مينيسترلىگىنىڭ مالىمەتىنشە، داۋدى اياقتاۋ تۋرالى كەلىسىم اياسىندا كونسورتسيۋم قازاقستان رەسپۋبليكاسىنا 1 ميلليارد 305 ميلليون ا ق ش دوللارى كولەمىندە تولەم جاساپ، تاراپتار ءونىم ءبولۋدىڭ تۇپكىلىكتى ادىستەمەسىن كەلىستى. ناتيجەسىندە قازاقستان 2037 -جىلعا دەيىن قوسىمشا 600 ميلليون ا ق ش دوللارىن (مۇناي باعاسى 1 باررەل ءۇشىن 40-50 ا ق ش دوللارى بولعان كەزدە) الادى.
سونىمەن قاتار تاراپتار قاراشىعاناق كەن ورنىنداعى ءوندىرۋ دەڭگەيىن ودان ءارى ۇستاپ تۇرۋ ماقساتىندا قاراشىعاناق-1 (ا) كەڭەيتۋ ينۆەستيتسيالىق جوباسىن ىسكە اسىرۋدىڭ باستالۋىن ماقۇلدادى. قاراشىعاناقتى كەلەشەكتە كەڭەيتۋ جوباسىنىڭ (ق ك ج (1ا) ينۆەستيتسيالىق كولەمى شامامەن 1 ميلليارد ا ق ش دوللارىن قۇرايدى جانە گازدى كەرى ايداۋ كومپرەسسورىن جانە ونىمەن بايلانىستى قوندىرعىلاردى سالۋدى كوزدەيدى. بۇل سۇيىق كومىرسۋتەكتەر ءوندىرۋ كولەمىن جىلىنا 10-11 ملن دەڭگەيىندە ۇستاپ تۇرۋعا مۇمكىندىك بەرەدى. ق ك ج (1A) ىسكە اسىرۋ جەرگىلىكتى قامتۋدىڭ ەڭ از ۇلەسىن تاۋارلاردى، جۇمىستار مەن كورسەتىلەتىن قىزمەتتەردى ساتىپ الۋدا 45 جانە پەرسونالدى جالداۋدا 75 پايىز مولشەرىندە قامتاماسىز ەتۋدى كوزدەيدى.
كەيىننەن تاراپتار جوبانىڭ تەحنيكالىق- ەكونوميكالىق پارامەترلەرىن ەسكەرە وتىرىپ، ق ك ج 1 (ۆ) ىسكە اسىرۋدىڭ كەلەسى كەزەڭىن جۇزەگە اسىرۋ مۇمكىندىگىن قاراستىردى. «قازاقستان رەسپۋبليكاسى ۇكىمەتىنىڭ رەسمي وكىلىنىڭ ايتۋىنشا، تاراپتار داۋدى اياقتاۋ تۋرالى كەلىسىمگە قول قويۋ ارقىلى ۇزاق مەرزىمدى داۋ ماسەلەسىندە سوڭعى نۇكتە قويدى.
كەلىسپەۋشىلىكتىڭ ءمانى - ءونىمدى جانە سايكەسىنشە اقشالاي كىرىستى تاراپتار اراسىندا ءادىل ءبولۋ. رەسپۋبليكا قاتاڭ تۇردە قول قويىلعان كەلىسىمشارت تالاپتارىنا جانە قولدانىلاتىن زاڭناماعا سايكەس ارەكەت ەتكەنىن اتاپ وتكەن ءجون. ۇزاق جانە قيىن كەلىسسوزدەر ناتيجەسىندە تاراپتار داۋدى بىتىمگەرشىلىكپەن شەشۋگە قول جەتكىزدى. بۇل رەسپۋبليكانىڭ ينۆەستورلارمەن تۋىندايتىن داۋلاردى كەلىسىمشارت ەرەجەلەرىنە سايكەس ءوزارا قولايلى شەشۋگە بەيىمدىلىگىن كورسەتتى»، - دەپ اتاپ وتكەن مينيسترلىكتەن.