ا ق ش-تىق تەلەارنادا ديماش قۇدايبەرگەننىڭ سۇحباتى كورسەتىلەدى
قازاقپارات بۇل تۋرالى dimashnews.com سايتىنا سىلتەمە جاساپ حابارلايدى.
قازان ايىنىڭ ورتاسىندا «MTV FRIDAY LIVESTREAM» باعدارلاماسىنىڭ جۇرگىزۋشىسى كيەۆان كەنني ديماشپەن سۇحبات بولاتىنىن الدىن الا حابارلاعان بولاتىن.
سۇحبات 24-قاراشادا ءوتتى. قازاقستاندىق ءانشى ءوزىنىڭ قازىرگى جوبالارى، كوپتەن كۇتكەن العاشقى ونلاين-كونسەرتى جانە وزگە دە تاقىرىپتار توڭىرەگىندە اڭگىمەلەگەن.
ەسكە سالساق، بيىلعى 2-قازاندا MTV-دىڭ YouTube-تەگى رەسمي ارناسىندا ديماشتىڭ «Qairan Elim» كومپوزيتسياسىنىڭ پرەمەراسى بولدى. پرەمەرا وتكەن كۇننەن باستاپ، «MTV FRIDAY LIVESTREAM» باعدارلاماسىندا ءار جۇما سايىن كەشتىڭ ەڭ تانىمال ورىنداۋشىلارى ءۇشىن داۋىس بەرىلىپ كەلەدى. الەمنىڭ ءار تۇپكىرىندەگى جانكۇيەرلەردىڭ بەلسەندىلىگى ارقاسىندا د. قۇدايبەرگەن سەگىز اپتا بويى العاشقى بەستىكتەن كورىنىپ وتىر.