پ ت ر تەستىلەۋ قانداي جاعدايدا تەگىن جاسالادى

«ەگەر تۇرعىنداردان جەدەل رەسپيراتورلى ۆيرۋستى ينفەكسيا (ج ر ۆ ي) سيمپتومدارى بايقالسا، ولارعا پ ت ر اناليز تەگىن جاسالادى. ەپيدەميولوگيالىق كورسەتكىش بويىنشا سول ناۋقاستارمەن بايلانىستا بولعاندارعا دا پ ت ر سىناعى تەگىن جاسالادى. سوسىن اپتاسىنا ءبىر رەت جۇكتى ايەلدەردى ارنايى تەكسەرىپ وتىرامىز. ول دا تەگىن بولادى. قالعان جاعدايدا ەگەر ادامدار ءوزى تەكسەرىلگىسى كەلسە، شەتەلگە شىعاتىن بولسا، ەڭبەك دەمالىسىنان كەيىن جۇمىسقا شىقسا، پ ت ر سىناقتى ءوز قاراجاتىنا تاپسىرۋى كەرەك»، - دەپ ءتۇسىندىردى ت. مۇراتوۆ نۇر-سۇلتان اكىمدىگىندە وتكەن بريفينگتە. ونىڭ ايتۋىنشا، قالا ستاتسيونارلارىندا 204 ناۋقاس ەم الۋدا. 560 توسەك-ورىن دايىندالىپ، ونىڭ 38 پايىزىندا ناۋقاستار جاتىر. COVID-19 ءۇشىن بيوماتەريال جينايتىن زەرتحانالار سانى 16 عا دەيىن كوبەيتىلدى، جالپى قۋاتى تاۋلىگىنە 11 مىڭنان استام زەرتتەۋ جۇرگىزۋگە جەتەدى.

بۇعان دەيىن تيمۋر مۇراتوۆ ج ر ۆ ي بەلگىلەرى بايقالعان جاعدايدا نە ىستەۋ كەرەكتىگىن تۇسىندىرگەن ەدى.