قازاقستان مەكتەپتەرىندە ونلاين وقىتۋ قاشان توقتاتىلادى
وسىعان وراي ق ر ءبىلىم جانە عىلىم مينيسترلىگى تۇسىنىكتەمە بەردى، دەپ حابارلايدى قازاقپارات ءتىلشىسى.
«كارانتيندىك شەكتەۋلەر كەزىندە مەكتەپتەردىڭ جۇمىسىنا قاتىستى شەشىمدى تەك سانيتار دارىگەرلەر قابىلداي الادى. ونلاين وقۋ مەن قاشىقتان وقۋ - ەكى ءتۇرلى فورمات ەكەنىن ەسكەرۋلەرىڭىزدى سۇرايمىن. قازىرگى ەپيدەميولوگيالىق جاعدايعا بايلانىستى وقۋشىلار نەگىزىنەن قاشىقتان وقىپ جاتىر. جاڭا وقۋ جىلىندا مينيسترلىك تاراپىنان مۇنداي ماسەلە ايتىلعان جوق. ارينە، ءبىلىم سالاسىنا جاۋاپ بەرەتىن مينيسترلىك رەتىندە بالالاردىڭ تەزىرەك مەكتەپ قابىرعالارىنا ورالعانىن قالايمىز. دەگەنمەن، بارلىعىمىز دەنساۋلىق ساقتاۋ مينيسترلىگىنىڭ تالاپتارىن ورىنداۋعا مىندەتتىمىز»، - دەدى ق ر ءبىلىم جانە عىلىم مينيسترلىگىنىڭ باسپا ءسوز حاتشىسى گاۋھار وماربەك.
اۆتور: مارلان جيەمباي
