كوروناۆيرۋس: ەلىمىزدەگى بۇگىنگى «قىزىل» جانە «سارى» ايماقتار بەلگىلى بولدى

نۇر-سۇلتان. قازاقپارات - دەنساۋلىق ساقتاۋ مينيسترلىگىنىڭ ۇلتتىق قوعامدىق دەنساۋلىق ساقتاۋ ورتالىعى 11-جەلتوقسانداعى قازاقستان وبلىستارىنىڭ ەپيدەميولوگيالىق احۋالىن باعالاۋ ماتريتساسىن جاريالادى، دەپ حابارلايدى قازاقپارات ءتىلشىسى.

باعالاۋ ماتريتساسى كەشەگى كورسەتكىشتەن وزگەرگەن جوق. ياعني ورتالىقتىڭ باعالاۋىنشا نۇر-سۇلتان قالاسى مەن پاۆلودار وبلىسى سول كۇيى «قىزىل» ايماقتا تۇر. ال سارى ايماقتا الماتى قالاسى، قوستاناي، اقمولا، شىعىس قازاقستان، سولتۇستىك قازاقستان، اتىراۋ وبلىستارى بار.

قالعان وڭىرلەردىڭ ءبارى دە جاسىل ايماقتا. 10-جەلتوقساندا جالپى بۇكىل قازاقستان اۋماعىن باعالاۋ ماتريتساسى «سارى» مەن «جاسىل» ايماقتىڭ ءدال ورتاسىنا ورنالاستىرعان بولاتىن.

ال بۇگىن باعالاۋ كورسەتكىشى ول شەكتەن شىعىپ، قازاقستاننىڭ «جاسىل» ايماققا وتكەنىن حابارلايدى.

ەسكە سالا كەتسەك نۇر-سۇلتان قالاسى 10-جەلتوقساننان باستاپ «قىزىل» ايماققا كىرگەن ەدى.

اۆتور: ايان بەكەن ۇلى