كوروناۆيرۋس قاتەرلى ىسىككە شالدىققان ادامدارعا قالاي اسەر ەتەدى

«ونكولوگيالىق اۋرۋعا شالدىققان ناۋقاستاردىڭ يممۋنيتەتى وتە تومەن بولادى. بىرەۋ حيميوتەراپيا، تاعى ءبىرى حيرۋرگيالىق ەم الدى. سوندىقتان ولار يممۋنيتەتتىڭ تومەندەۋىنەن كوروناۆيرۋستى تەز جۇقتىرۋى مۇمكىن. ءبىز پاتسيەنتتەرىمىزدەن، ەڭ الدىمەن، وزدەرىنە ۇقىپتى قاراۋدى سۇرايمىز. اسىرەسە، اۋرۋحاناعا كەلگەن تۋىستارى جۇقتىرۋى مۇمكىن. ينفەكتسيانى جۇقتىرماس ءۇشىن ماسكا رەجيمىن، قول گيگيەناسىن ساقتاۋ قاجەت. ەگەر ناۋقاسقا COVID-19 ىندەتى قوسىلسا، وندا ءبىز كوروناۆيرۋستى ەمدەمەيىنشە، ىسىككە قارسى ەمدەۋدى بارلىق ستاندارتتار بويىنشا جۇرگىزە المايمىز»، - دەيدى ول.

دارىگەر ناۋقاستاردى بارلىق سانيتارلىق نورمانى قاتاڭ ساقتاۋعا شاقىردى. الەۋمەتتىك اراقاشىقتىقتى، قول گيگيەناسىن ساقتاۋعا جانە ماسكا تاعىپ جۇرۋگە كەڭەس بەردى.

«قاۋىپتى ۆيرۋستى جۇقتىرعان ناۋقاستارعا حيميوتەراپيا، ساۋلەلىك تەراپيا تاعايىنداۋ مۇمكىن ەمەس، ويتكەنى بۇل پاتسيەنتتىڭ جاعدايىن ودان سايىن ناشارلاتىپ جىبەرەدى. سوندىقتان ساق ءجۇرۋ كەرەك»، - دەدى سپيكەر.

ديليارا قايداروۆانىڭ ايتۋىنشا، كەز كەلگەن ونكولوگيالىق اۋرۋ باستاپقى كەزدە انىقتالسا، ونىڭ تولىق جازىلىپ كەتەتىنىن تىلگە تيەك ەتتى. ەڭ باستىسى، ادامدار جىل سايىن پروفيلاكتيكالىق تەكسەرۋدەن ءوتۋى كەرەك.

«بۇرىندارى قاتەرلى ىسىككە شالدىققان ادامدار اۋرۋىن جاسىرىپ، ول تۋرالى ايتۋعا قورقاتىن. قازىر ءبارى وزگەردى. قاتەرلى ىسىك سونشالىقتى قورقىنىشتى ەمەس. ءبىز بارلىعىن وسى سوزدەن قورىقپاۋعا، سەنىمدى تۇردە ەمدەلۋگە شاقىرامىز. دەر كەزىندە باستاعان ەم- دوم ءوز ناتيجيەسىن بەرەدى»، - دەپ قوستى ەلدىڭ باس ونكولوگى.

قازاقستاندا بۇگىندە 187 مىڭ ادام ونكولوگيالىق ەسەپتە تۇر.