قازاقستاندىقتار تەحپاسپورت پەن كولىك ءنومىرىن ۇيگە جەتكىزۋ قىزمەتىن بەلسەندى پايدالانا باستادى

«ازاماتتارعا ارنالعان ۇكىمەت» مەملەكەتتىك كورپوراتسياسى ەلەكتروندىق پورتال وپەراتورى - «ۇلتتىق اقپاراتتىق تەحنولوگيالار» ا ق- مەن بىرلەسىپ، تەحپاسپورت پەن ءاۆتوموبيلدىڭ مەملەكەتتىك نومىرلىك بەلگىسىن قازاقستاندىقتاردىڭ ۇيىنە جەتكىزۋ قىزمەتىن ىسكە قوسقان بولاتىن. قىزمەتكە ەڭ كوپ تاپسىرىس بەرگەن وڭىرلەردىڭ قاتارىندا قىزىلوردا وبلىسى مەن شىمكەنت جانە الماتى قالالارى بار.

بۇعان دەيىن جاڭا كولىكتى ونلاين نە وفلاين تۇردە قايتا تىركەگەن كولىك يەسى ماشينانىڭ تىركەۋ ءنومىرى مەن تەحنيكالىق پاسپورتىن الۋ ءۇشىن مىندەتتى تۇردە مامانداندىرىلعان ح ق و- عا جۇگىنەتىن. ەندى كۋرەر قىزمەتىنە تاپسىرىس بەرۋشىلەر كوبىنە قالانىڭ سىرتىندا ورنالاساتىن اۆتو ح ق و- عا بارۋ ءۇشىن ۋاقىتىن شىعىندامايتىن بولادى. العاش كولىك الىپ وتىرعان قىزىلوردالىق اسحات كەڭەس بۇل قىزمەت تۋرالى اۆتوحقو ماماندارىنان ەستىگەن. كولىگىن ءوز اتىنا راسىمدەپ بولعان سوڭ، تىركەۋ ءنومىرىنىڭ دايىن بولۋىن كۇتپەي، ونىڭ ۇيگە جەتكىزىپ بەرۋىن قالاعان. ونىڭ ايتۋىنشا، قازىرگى تاڭدا مەملەكەتتىك قىزمەتتەردى اۆتوماتتاندىرۋ بەلسەندى تۇردە ءجۇرىپ جاتىر.

«بارشامىز قىزمەتتەردى ەلەكتروندى ۇكىمەت پورتالى ارقىلى الۋدامىز. يگىلىگىن كورۋدەمىز. تاپسىرىس بەرگەننەن كەيىن، كوپكە سوزباي، ح ق و ماماندارى ۇيىمە ءنومىردى جەتكىزىپ بەردى. بۇل وتە قولايلى ءارى وڭتايلى ەكەن» - دەيدى اسحات تالعات ۇلى.

جاڭا اۆتوكولىك يەسى ونلاين ساتىپ الۋ مامىلەسىنەن كەيىن egov.kz پورتالىنداعى «كولىك جانە كوممۋنيكاتسيا» بولىمىندە «متنب مەن تەحپاسپورتتى جەتكىزۋ» ەلەكتروندى قىزمەتىنە تاپسىرىس بەرۋى ءتيىس.

بۇدان ءارى جەكە دەرەكتەردى جانە كولىك تۋرالى مالىمەتتەردى (تەحپاسپورت، م ت ن ب) تولتىرۋ قاجەت، سونداي- اق ەڭ سوڭىندا قۇجاتتار جەتكىزىلۋى ءتيىس مەكەنجاي كورسەتىلۋى قاجەت. كۋرەر قىزمەتىن پايدالانۋ ءۇشىن 2240 ت گ تولەنەدى. ەكىباستۇزدىق دميتري فەدوروۆ پورتال كومەگىمەن كولىكتىڭ دايىن بولعان قۇجاتتارىن عانا ەمەس، جاڭا كولىگىن دە قايتا تىركەپ العان.

«جارتى ساعات ىشىندە ونلاين تۇردە كولىكتى ءوز اتىما تىركەپ الدىم. سوسىن كۋرەر قىزمەتىنە تاپسىرىس بەردىم. سول كۇنى بارلىق قۇجاتتار قولىما ءتيدى. اۆتو ح ق و- عا مۇلدە بارعان جوقپىن. سيفرلانۋدىڭ يگىلىگى دەگەن وسى» دەيدى ول.

كەلەسى جىلدان باستاپ، مەملەكەتتىك كورپوراتسيا ءدال وسىلايشا قىزمەت الۋشىلاردىڭ ۇيلەرىنە دايىن بولعان قۇجاتتاردى جەتكىزۋ قىزمەتىن ىسكە قوسپاقشى. ازاماتتار وسىلايشا ح ق و- عا بارماي- اق، بالانىڭ تۋۋ تۋرالى كۋالىگىن، جەكە كۋالىكتى، پاسپورتتى الدىرتا الاتىن بولادى.