قىزىلوردا وبلىسىنىڭ ەكس- اكىمى جەتى جىلعا سوتتالدى
قىزىلوردا قالالىق 2№ سوتىندا قۋانىشبەك ىسقاقوۆقا قاتىستى سوت ۇكىمى جاريالانىپ، ول جازاسىن قاۋىپسىزدىگى ورتاشا كولونيادا وتەيتىن بولدى. سونداي- اق بۇرىنعى ايماق باسشىسى مەملەكەتتىك، ۇلتتىق جانە كۆازيمەملەكەتتىك ۇيىمداردا قىزمەت اتقارا المايدى. بۇعان دەيىن پروكۋرور ايىپتالۋشى قۋانىشبەك ىسقاقوۆتى سەگىز جىلعا باس بوستاندىعىنان ايىرۋدى سۇراعان ەدى. سىبايلاس جەمقورلىققا قارسى ءىس- قيمىل اگەنتتىگىنىڭ حابارلاۋىنشا، ەكس- اكىمنىڭ ورىنباسارلارى مۇرات يماندوسوۆ پەن مارات دەلمۇحانوۆ 6 جىلعا سوتتالدى. سونىمەن قاتار ەكس- اكىمىنىڭ تۋىسى مەن سەنىمدى تۇلعاسى 5 جىلعا باس بوستاندىعىنان ايىرىلدى. ەسكە سالا كەتسەك، ولارعا ارىس قالاسىندا جوندەۋ، قالپىنا كەلتىرۋ جۇمىستارىن جۇرگىزۋگە ارنالعان «سىر مەيىرىمى» قورىنىڭ اقشالاي قاراجاتىن جىمقىردى دەپ ايىپ تاعىلعان بولاتىن. اتالعان ءىس بويىنشا جالپى سانى 10 ادام قىلمىستىق جاۋاپكەرشىلىككە تارتىلىپ وتىر. 4 كاسىپكەر مەن وبلىستىق قۇرىلىس باسقارماسىنىڭ بۇرىنعى باسشىسىنا بايلانىستى قىلمىستىق قۋدالاۋ توقتاتىلعان. ابدۋللاجان سايدۋللايەۆ، قالالىق 2№ سوتىنىڭ سۋدياسى:
- سوتتالۋشى ىسقاقوۆتىڭ «قۇرمەت» وردەنى مەملەكەتتىك ناگراداسىنان، سوتتالۋشى دەلمۇحانوۆتىڭ «ەرەن ەڭبەگى ءۇشىن» ناگراداسىنان ايىرۋ تۋرالى ق ر پرەزيدەنتىنە ۇسىنىس ەنگىزىلسىن. ازاماتتىق تالاپكەر ءابدىراحمانوۆانىڭ تالاپ- ارىزى تولىق قاناعاتتاندىرىلسىن. ازاماتتىق جاۋاپكەر ىسقاقوۆتان «سىر مەيىرىمى» قوعامدىق- الەۋمەتتىك قورىنىڭ پايداسىنا 5 ميلليون 13 مىڭ 500 تەڭگە قىلمىسپەن كەلتىرىلگەن مۇلىكتىك زالال، مەملەكەت پايداسىنا 150405 تەڭگە مەملەكەتتىك باج ءوندىرىلسىن.
وسى كاتەگوريا بويىنشا: « قازاقستان حالقى اسسامبلەياسىنىڭ XXVIII سەسسياسى 2021 -جىلعى 11-قاڭتاردا وتەدى .
