اسىل تۇقىمدى مال ساتىپ الماق بولعان شارۋا الاياققا الداندى
اقتوبە وبلىستىق پوليتسيا قىزمەتكەرلەرى قاراعاندىلىق كۇدىكتىنى قولعا ءتۇسىردى. ول رەسەيدەن اسىل تۇقىمدى ءىرى قارا ساتىپ الىپ بەرۋگە ۋادە بەرىپ، اقتوبەلىكتى الداپ كەتتى. 28 جاستاعى اقتوبەلىكتىڭ سەنىمىنە كىرىپ، 67 ميلليون تەڭگەدەن استام قارجىسىن يەمدەنگەن.
«قازىرگى ۋاقىتتا پوليتسيا قىزمەتكەرلەرى كۇدىكتىنىڭ باسقا دا الاياقتىق ىسكە قاتىسىنىڭ بار- جوعىن انىقتاپ جاتىر. ق ر ق ك «الاياقتىق» بابى بويىنشا سوتقا دەيىنگى تەرگەۋ باستالدى. پوليتسيا مۇنداي دەرەكتى كۇن سايىن تىركەيدى. قازىرگى ۋاقىتتا كەلىپ تۇسكەن بارلىق ءوتىنىش تىركەلىپ، ولار بويىنشا سوتقا دەيىنگى تەرگەۋ امالى جۇرگىزىلىپ جاتىر. اقتوبە وبلىسىنىڭ پوليتسيا دەپارتامەنتى ازاماتتاردان ساق بولۋدى سۇرايدى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
اۆتور: التىناي ساعىندىقوۆا
