ءبىر جىل بويى حابارسىز كەتكەن قاراقالپاقستان ازاماتى قازاقستاننان تابىلدى

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قىلمىستىق ىزدەستىرۋ توبىنىڭ جەدەل ۋاكىلدەرى ەڭبەكشىقازاق اۋداندىق پوليتسيا باسقارماسىنىڭ كوشى-قون قىزمەتكەرلەرىمەن بىرلەسىپ، جەدەل-ىزدەستىرۋ ءىس-شارالارىن جۇرگىزۋ كەزىندە راحات اۋىلىنىڭ 29 جاستاعى تۇرعىنىنىڭ ءبىر جىلدان استام ۋاقىت بويى حابار-وشارسىز كەتكەن ادام رەتىندە مەملەكەتارالىق ىزدەۋدە جۇرگەنىن انىقتادى.

ەر ادامدى قاراقالپاقستاندا تۇراتىن اتا-اناسى ىزدەپ جاتقانى بەلگىلى بولدى. ىزدەۋ جاريالانعان ازامات تۋرالى، ونىڭ ناقتى تۇرعىلىقتى مەكەنجايى مەن ۋاقىتشا تىركەۋى جايلى مالىمەت ىزدەپ جاتقان ورگانعا جولداندى.

اۆتور: سامال قابىشەۆا