الماتىدا سىعان ايەل ساتۋشىلاردى سىيقىرلاپ، كاسساداعى اقشانى الىپ كەتىپ جۇرگەن

ساۋدا ۇيلەرىنىڭ ءبىرىنىڭ ساتۋشىسى جەتىسۋ اۋداندىق پوليتسيا باسقارماسىنا جۇگىندى. ونىڭ ايتۋىنشا، سىعان ايەل ءوزىن اڭگىمەگە اينالدىرىپ، كاسساداعى اقشانى ۇپتەپ كەتكەن. سوتقا دەيىنگى تەرگەۋ بارىسىندا بۇل قالاداعى ءبىرىنشى جاعداي ەمەس ەكەندىگى انىقتالدى.

«32 جاستاعى ازاماتشا نەگىزىنەن ساۋدا ورتالىقتارىندا جۇرەتىن بولعان. بەينەباقىلاۋ كامەرالارى ونىڭ ساۋدا ورنىنا كىرىپ، دۇڭگىرشەكتەردىڭ بىرىنە بارىپ، ساتۋشىمەن اڭگىمەلەسكەن كورسەتكەن. ساتۋشىنى ءبىر جەردەن كورگەنىن، ونى بىلەتىندىگىن ايتاتىن بولعان. وسىدان كەيىن، اڭگىمە بارىسىندا گيپنوزدى قولدانىپ، الاياق ايەل اقشانى يەمدەنىپ كەتكەن. ساتۋشى ءبىر كۇندىك كىرىستى وسى ايەلگە بەرگەن. ساتۋشى ەسىن جيعان كەزدە، سىيقىرشى جوق بولىپ شىقتى. ايتا كەتۋ كەرەك، كۇدىكتى بۇرىن وسىنداي ارەكەتتەرى ءۇشىن سوتتالعان. وعان قاتىستى ق ر ق ك- ءنىڭ 190-بابى (الاياقتىق) بويىنشا سوتقا دەيىنگى تەرگەۋ امالدارى جۇرگىزىلۋدە»، - دەدى جەتىسۋ اۋداندىق پوليتسيا باسقارماسىنىڭ باستىعى دارحان مۇسانوۆ.

ونىڭ ايتۋىنشا، مۇنداي وقيعالار ءجيى كەزدەسەدى. پوليتسيا گيپنوزدان بايلانىستى توقتاتۋ ارقىلى عانا قورعانۋعا بولاتىنىن ايتتى. ياعني كۇدىكتى اداممەن اڭگىمەلەسۋدى توقتاتۋ كەرەك جانە ونىڭ كوزىنە قاراماۋ كەرەك.