قاراعاندىدا اسحانا قىزمەتكەرى گراناتا تاۋىپ الدى

8 -جەلتوقساندا ساعات 16.00 دە قاراعاندى قالالىق پوليتسيا باسقارماسى جەدەل باقىلاۋ ورتالىعىنا 48 جاستاعى جەكە كاسىپكەر قوڭىراۋ شالعان. ول «ۆوستوك-1» ىقشام اۋدانىنداعى تۇرعىن ۇيدە ورنالاسقان تاماقتانۋ ورنىنىڭ قوسالقى بولمەسىندە 55 جاستاعى قىزمەتكەر قوقىس استىنان گراناتاعا ۇقساس زاتتى تاپقانىن حابارلاعان.

«قاراعاندى وبلىسى پ د جەدەل كەزەكشىسىمەن وقيعا ورنىنا بارلىق شۇعىل قىزمەتتەر جىبەرىلدى. تۇرعىن ءۇي عيماراتى مەن قوعامدىق تاماقتانۋ ورىندارىنان 40 تان استام ادام ەۆاكۋاتسيالاندى. پوليتسيا قىزمەتكەرلەرى تابىلعان زاتتى تەكسەردى. ناتيجەسىندە تابىلعان زات ەشقانداي ءقاۋىپ توندىرمەيتىن كادەسىي گراناتا ەكەن انىقتالدى»، - دەپ حابارلادى قاراعاندى وبلىسى پ د باسپا ءسوز قىزمەتى.