الماتى اكىمى مەگاپوليستەگى ەپيدەميولوگيالىق جاعداي تۋرالى ايتتى

الماتى اكىمى كەلتىرگەن مالىمەتكە سايكەس، قالادا كوروناۆيرۋس ىندەتىن جۇقتىرعان 16534 جاعداي تىركەلگەن (100 مىڭ تۇرعىنعا شاققاندا 828,13)، سونىڭ ىشىندە 10004 ى سيمپتومدى، ال 6530 ى سيمپتومسىز. التىنشى جەلتوقسان كۇنى 67 ك ۆ ي جۇقتىرعان. سونىڭ ىشىندە 53 جاعداي سيمپتومدى، 14 جاعداي سيمپتومسىز. پنيەۆمونيامەن اۋىرعان 6 جاعداي تىركەلدى.

«الماتى قالاسى 2-جەلتوقساننان باستاپ «جاسىل» ايماققا ەندى. جاعداي قاراشا ايىندا كوروناۆيرۋس ينفەكسياسىنىڭ تارالۋىنا ىقپال ەتەتىن فاكتورلاردى بەيتاراپتاندىرۋ، قولدانىستاعى كارانتين شارالارىن ساقتاۋ جانە ونى باقىلاۋدى كۇشەيتۋ ارقىلى تۇراقتاندىردىق»، - دەپ اتاپ ءوتتى الماتى اكىمى باقىتجان ساعىنتايەۆ.

الماتى قالاسىندا ك ۆ ي اۋرۋىنىڭ ءوسۋى قازان ايىندا باستالدى. ەگەر قىركۇيەك ايىندا جۇقتىرۋشى سانى 165 جاعدايدى كورسەتسە، قازان ايىندا قاۋىپتى ىندەتكە شالدىققاندار سانى 366-عا جەتتى. قاراشادا 1399 جاعداي تىركەلدى، قازان ايىمەن سالىستىرعاندا اۋرۋ جۇقتىرۋ 3,8 ەسەگە وسكەن. تاۋلىكتەگى ءوسىم - 0,4 پايىز، رەپرودۋكتيۆتى سانى - 0,98.

حالىقتىڭ ك ۆ ي- گە نەعۇرلىم بەيىم كونتينگەنتى – 20 دان 60 جاسقا دەيىنگى ازاماتتار، ولار قاراشا ايىندا ناۋقاستاردىڭ 60 پايىزىن قۇرادى:

- 14 جاسقا دەيىن - 9 پايىز (126 جاعداي)؛

- 15- 19 جاس - 4 پايىز (54)؛

- 20- 39 جاس - 32 پايىز (451)؛

- 40- 59 جاس - 29 پايىز (408)؛

- 60 جاستان جوعارى - 26 پايىز (360).

ك ۆ ي جۇقتىرۋدىڭ نەگىزگى ورتاسى:

- اۋرۋ جۇقتىرۋشىنىڭ وتباسى مۇشەلەرىمەن بايلانىسى - 35 پايىز (491 جاعداي)؛

- ناۋقاسپەن جۇمىس نەمەسە وقۋ ورنى بويىنشا بايلانىس - 3 پايىز (37 جاعداي)؛

- شەت ەلدەردەن جانە ق ر وڭىرلەرىنەن اكەلۋ - 6 پايىز (78 جاعداي).

ينفەكسيانى جۇقتىرۋدىڭ ىقتيمال ورىندارى:

- دۇكەن، ءدارىحانا، س و و- عا، قوعامدىق تاماقتانۋ ورىندارىنا بارۋ - 22 پايىز (306 جاعداي)؛

- بازارعا بارۋ - 12 پايىز (167 جاعداي)؛

- مەديتسينالىق ۇيىمدارعا بارۋ - 6 پايىز (80 جاعداي)؛

- قوعامدىق كولىكتى پايدالانۋ - 16 پايىز (228 جاعداي)؛

- وتباسىلىق ءىس-شارالارعا قاتىسۋ 1 پايىز (12 جاعداي).