كامەلەتكە تولماعان بالالارمەن بايلانىستى قىلمىستار نەدەن تۋىندايدى
بۇل تۋرالى ونلاين بريفينگتە ق ر ءى ءى م اكىمشىلىك پوليتسيا كوميتەتى يۋۆەنالدى پوليتسيا جانە ايەلدەردى زورلىق- زومبىلىقتان قورعاۋ ءبولىمى باستىعىنىڭ ورىنباسارى ديلبار تولەگەنوۆا ايتتى، دەپ حابارلايدى قازاقپارات ءتىلشىسى.
سونىمەن قاتار، مەملەكەتتىك ورگاندار جانە ۇكىمەتتىك ەمەس ۇيىمدارمەن بىرلەسىپ جۇرگىزىلگەن ءتۇسىندىرۋ جۇمىستارىنىڭ ناتيجەسىندە ازاماتتاردىڭ وتكەن جىلدارداعى قىلمىستارى بويىنشا وتىنىشتەرى كوبەيدى. مۇنداي وتىنىشتەر شامامەن %30 قۇرايدى.
كامەلەتكە تولماعاندارعا قارسى قىلمىستاردىڭ %70 كۇندەلىكتى ومىردە جانە بالاعا جاقىن ادامدار (اكەلەرى، وگەي اكەلەرى، اناسىمەن بىرگە تۇرۋشىلار، تۋىستارى، كورشىلەرى مەن تانىستارى) تاراپىنان جاسالاتىنىن اتاپ وتكەن ءجون.
«كامەلەتكە تولماعانداردىڭ جىنىستىق قول سۇعىلماۋشىلىعىنا قاتىستى جاسالعان ءاربىر ەكىنشى قىلمىس پوليتسيا كىرە المايتىن پاتەرلەردە، ۇيلەردە، جاتاقحانالاردا جاسالادى جانە مۇنداي جاعداي قىلمىستى انىقتاۋدا بەلگىلى ءبىر قيىندىقتار تۋدىرادى. سونداي-اق، كامەلەتكە تولماعانداردىڭ قىلمىستىڭ قۇربانى بولۋىنىڭ سەبەپتەرى: بالالاردى اتا-انا نازارىنان تىس جانە باقىلاۋسىز قالدىرۋ، بالانىڭ ەرەسەكتەرگە قارسى تۇرا الماۋى جانە سەنگىشتىگى، بۇقارالىق اقپارات قۇرالدارىنىڭ كەرى اسەرى، سونىڭ ىشىندە ينتەرنەتتە كوپ وتىرۋى، مورالدىق-وتباسىلىق قۇندىلىقتاردىڭ تومەن دەڭگەيى، وتباسىنداعى الەۋمەتتىك كەمشىلىكتەر، اتا-انالاردىڭ الكوگولدى شەكتەن تىس پايدالانۋى»، - دەيدى ق ر ءى ءى م اكىمشىلىك پوليتسيا كوميتەتى يۋۆەنالدى پوليتسيا جانە ايەلدەردى زورلىق- زومبىلىقتان قورعاۋ ءبولىمى باستىعىنىڭ ورىنباسارى ديلبار تولەگەنوۆا.
