قازاقستاندا «تۇرعىن ءۇي قۇرىلىس جيناق بانكى» اتىن جامىلعان قارجى پيراميداسى انىقتالدى

جابىرلەنۋشىلەردىڭ سوزىنە، Otbasy men jastardy qoldau qory اتتى كورپوراتيۆتىك قور كليەنتتەرگە قارىز بەرگەن، الايدا كەلىسىم بويىنشا ءوز مىندەتىن ورىنداماعان. قور ءوز قىزمەتىن مەملەكەت قولداۋ كورسەتەتىن الەۋمەتتىك باعدارلاما دەپ اتايدى جانە 3,7 پايىزدىق يپوتەكا بەرۋگە ۋادە ەتكەن. ءبىراق باستاپقى جارنا - ساتىپ الاتىن پاتەر نەمەسە اۆتوكولىك باعاسىنىڭ 50 پايىزىن سۇراعان.

قارىز بەرۋ كەزىندە كليەنتتىڭ نەسيە تاريحى، جاسى مەن زەينەتاقى جيناعى ماڭىزدى ەمەس. كومپانيا قازاقستاننىڭ بارلىق وڭىرىندە بار.

ادامدار قورعا كىرىپ، ميلليونداعان اقشا سالعان. 600 گە جۋىق ادام جالپى ءبىر ميلليارد تەڭگە سالعان. كەيبىرى ەكى ميلليون، ودان بولەك، 120 ميلليون سالعان ادامدار دا بار. ەندى سالىمشىلاردىڭ جارتىسىنان كوبى كولىك تە، پاتەر دە الماعانىن جانە اقشالارىن قايتارا الماي وتىرعانىن ايتادى.

جابىرلەنۋشىلەر پوليتسيا ەشقانداي ارەكەت ەتپەي وتىرعانىن ايتادى جانە قوردىڭ قۇرىلتايشىسى ەلدەن قاشىپ كەتپەي تۇرعاندا ءىستى باس پروكۋراتۋرا قولعا الۋىن سۇراپ وتىر.

«ەڭ قىزىعى قور «تۇرعىن ءۇي قۇرىلىس جيناق بانكىنىڭ» اتىن جامىلعان. ولاردا ءتىپتى «باقىتتى وتباسى» دەگەن باعدارلاما بولعان. ەسىل پوليتسيا باسقارماسى ارەكەت ەتپەي وتىر. قالالىق پروكۋراتۋرا ارەكەت ەتپەي وتىر. دالەل بازاسى بار. قارجىلىق رەتتەۋشىنىڭ قورىتىندىسى دا بار»، - دەيدى جابىرلەنۋشىلەردىڭ وكىلى، زاڭگەر ايان تورەقۇلوۆ.

«وسىنشا ادام ارىز جازىپ وتىر. سەنىپ قالعان وزدەرىڭ كىنالىسىڭدەر دەپ وتىر. قۇقىق قورعاۋ ورگاندارىنىڭ ءبىزدى قورعاي الماعانى ما؟ ءبىز تەك ادىلدىك ورناعانىن قالايمىز»، - دەيدى جابىرلەنۋشى زيۆاش اقمىرزايەۆا.

ايەل ادام استانادا جەڭىلدەتىلگەن پايىزبەن جەر تەلىمىن ساتىپ الۋ قورعا ءبىر ميلليون تەڭگە سالعان.

سالىمشىلار «الەۋمەتتىك باعدارلاما» دەپ تۇرعاندىقتان سەنىپ قالعان. جابىرلەنۋشىلەر گۇلبانۋ ساپەي ەسىمدى ايەل ادام باسشىلاردىڭ ءبىرى جانە قوردى قۇرۋعا باستاما بولعان ەكەنىن ايتادى. ول ءاربىر قازاقستاندىق باسپانالى بولۋى كەرەگىن، ءاربىر ايەلدىڭ استىندا كولىگى بولۋى كەرەگىن ايتقان. ول 2017-جىلى الاياقتىق جاساعانى ءۇشىن ءىستى بولعان، الايدا ءىس ەكى جاقتىڭ كەلىسىمىنەن كەيىن جابىلعان. ەندى جابىرلەنۋشىلەر پروكۋراتۋراعا كەلدى.

«تاعى دا ارىز جازىڭىزدار، ءبىز ونى قاراستىرامىز»، - دەدى باس پروكۋروردىڭ كومەكشىسى جاڭالىق ەلامانوۆ.