ق ر پارلامەنتى ءماجىلىسى جانە ءماسليحاتتار دەپۋتاتتىعىنا كانديداتتار «قازاقپارات» ح ا ا ۇگىت ماتەريالدارىن قالاي ورنالاستىرادى
www.inform.kz (بۇدان ءارى - سايت) سايت يەسى «قازاقپارات» ح ا ا» ا ق «قازاقستان رەسپۋبليكاسىنداعى سايلاۋ تۋرالى»
28.09.1995 -جىلعى قازاقستان رەسپۋبليكاسىنىڭ كونستيتۋتسيالىق زاڭىنا سايكەس، «قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋىن تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 2020 -جىلعى 21-قازانداعى №439-جارلىعىنىڭ نەگىزىندە، سونداي-اق «قازاقستان رەسپۋبليكاسى ءماسليحاتتارى دەپۋتاتتارىنىڭ كەزەكتى سايلاۋىن تاعايىنداۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2020 -جىلعى 21-قازانداعى قاۋلىسىنىڭ نەگىزىندە تىركەلگەن كانديداتتارعا حاباردار ەتەدى:
1) پارتيالىق تىزىمدەر بويىنشا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا، سونداي- اق «2021 -جىلعى 10 قاڭتارعا» بەلگىلەنگەن سايلاۋعا قاتىساتىن قازاقستان رەسپۋبليكاسى ءماسليحاتتارى دەپۋتاتتىعىنا كانديداتتار (بۇدان ءارى - كانديدات) ءۇشىن؛ 2) قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا «2021 -جىلعى 11-قاڭتارعا» بەلگىلەنگەن سايلاۋعا قاتىساتىن قازاقستان حالقى اسسامبلەياسى سايلايتىن (بۇدان ءارى - كانديدات) كانديداتتار ءۇشىن سايتتا سايلاۋالدى ۇگىت ماتەريالدارىن (بۇدان ءارى - ۇگىت ماتەريالدارى) ورنالاستىرۋ ءۇشىن ينتەرنەت الاڭدارىن ۇسىنۋ شارتتارى مەن ءتارتىبى تۋرالى تولەمنىڭ مولشەرى تۋرالى حابارلايدى.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتاردىڭ جانە قازاقستان رەسپۋبليكاسى ءماسليحاتتارىنىڭ دەپۋتاتتىعىنا كانديداتتاردىڭ سايلاۋالدى ۇگىتى كانديداتتاردى تىركەۋ مەرزىمى اياقتالعان ساتتەن باستالىپ، سايلاۋ بولاتىن كۇننەن ءبىر كۇن بۇرىن جەرگىلىكتى ۋاقىت بويىنشا 00:00 ساعاتتا اياقتالادى. وسىلايشا ۇگىت ماتەريالدارىن سايتقا ورنالاستىرۋ 2020 -جىلعى 10-جەلتوقسان ساعات 18.00-دەن باستاپ 2021 -جىلعى 8-قاڭتاردى قوسا العاندا جۇزەگە اسىرىلادى. قازاقستان حالقى اسسامبلەياسى سايلايتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتاردىڭ سايلاۋالدى ۇگىتى كانديداتتاردى تىركەۋ مەرزىمى اياقتالعان كەزدەن باستالادى جانە سايلاۋ بولاتىن كۇننەن ءبىر كۇن بۇرىن جەرگىلىكتى ۋاقىت بويىنشا 00:00 ساعاتتا اياقتالادى.
وسىلايشا، ۇگىت ماتەريالدارىن سايتقا ورنالاستىرۋ 2020 -جىلعى 27-جەلتوقسان ساعات 18.00-دەن 2021 -جىلعى 9-قاڭتاردى قوسا العاندا جۇزەگە اسىرىلادى. سايت جازباشا ءوتىنىش پەن سايتتىڭ مەنشىك يەسى مەن كانديدات اراسىندا نە كانديداتتىڭ ۋاكىلەتتى وكىلىمەن جاسالاتىن شارت نەگىزىندە قىزمەتتەر كورسەتەدى. ۇگىت ماتەريالدارىنىڭ سانى مەن ورنالاستىرۋ كەزەڭى كانديداتتىڭ نە ونىڭ ۋاكىلەتتى وكىلىنىڭ جازباشا وتىنىشىندە كورسەتىلەدى، سودان كەيىن ولار شارتتا بەلگىلەنەدى. ءوتىنىش كانديداتتاردىڭ وتىنىشتەرىن تىركەۋ جۋرنالىندا رەتتىلىك تارتىبىمەن، ءاربىر جازباشا وتىنىشكە رەتتىك ءنومىر مەن ءوتىنىشتىڭ كەلىپ تۇسكەن كۇنىن بەرۋ ارقىلى تىركەلەدى. جازباشا وتىنىشكە مىناداي قۇجاتتار قوسا بەرىلۋگە ءتيىس:
1) كانديداتتىڭ تىركەلگەنىن راستايتىن قۇجاتتىڭ كوشىرمەسى؛
2) كانديدات وكىلىنىڭ وكىلەتتىكتەرىن راستايتىن قۇجاتتىڭ كوشىرمەسى؛
3) ءوتىنىش بەرۋشى تۇلعانىڭ جەكە كۋالىگىنىڭ كوشىرمەسى؛
4) شارت جاساسۋ ءۇشىن تۇلعانىڭ وكىلەتتىگىن راستايتىن قۇجاتتار؛ كانديداتتاردىڭ ۇگىت ماتەريالدارىن سايتقا ورنالاستىرۋ كەزەكتىلىگى جازباشا وتىنىشتەردىڭ كەلىپ ءتۇسۋ رەتىمەن نە ءوتىنىش ءبىر مەزگىلدە كەلىپ تۇسكەن جاعدايدا جەرەبە بويىنشا بەلگىلەنەدى. ۇگىت ماتەريالدارى سايتقا ورنالاستىرۋ كۇنىنە دەيىن 1 ء(بىر) كۇنتىزبەلىك كۇننەن كەشىكتىرىلمەي، 02.12.2020 ج. №219-نك بۇيرىعىنا № 1-قوسىمشاعا سايكەس ۇسىنىلادى.
ۇگىت ماتەريالدارىندا قارجىلاندىرۋ كوزدەرى تۋرالى كورنەكى اقپارات جانە اقپارات بەرگەن ادامنىڭ تەگى قامتىلۋعا ءتيىس. ۇگىت ماتەريالدارىن ۇسىنعان كانديداتتار ولاردىڭ مازمۇنىنىڭ قازاقستان رەسپۋبليكاسى زاڭناماسىنىڭ تالاپتارىنا سايكەستىگى ءۇشىن جەكە جاۋاپكەرشىلىكتە بولادى.
سايتتىڭ مەنشىك يەسى، ەگەر ولاردا رەسپۋبليكانىڭ كونستيتۋتسيالىق قۇرىلىمىن كۇشتەپ وزگەرتۋ، ونىڭ تۇتاستىعىن بۇزۋ، مەملەكەت قاۋىپسىزدىگىنە نۇقسان كەلتىرۋ، الەۋمەتتىك، ناسىلدىك، ۇلتتىق، ءدىني، تەكتىك- توپتىق جانە رۋلىق ارازدىقتى قوزدىرۋ، قاتىگەزدىك پەن زورلىق- زومبىلىققا باس ۇرۋ يدەيالارى بولسا، سونداي-اق ولاردا باسقا كانديداتتاردىڭ ار- نامىسىنا، قادىر-قاسيەتىنە نەمەسە ىسكەرلىك بەدەلىنە نۇقسان كەلتىرۋى مۇمكىن اقپارات بولعان جاعدايدا، ۇگىت ماتەريالدارىن ورنالاستىرۋدان باس تارتۋعا قۇقىلى.
كانديدات سايتتىڭ مەنشىك يەسىنىڭ تالاپ ەتۋى بويىنشا ماتەريالداردا جوعارىدا كورسەتىلگەن سيپاتتاعى اقپاراتتى راستايتىن قۇجاتتاردى ۇسىنۋعا مىندەتتى. سايتتا ۇگىت ماتەريالدارىن ورنالاستىرعانى ءۇشىن جاسالعان شارت بويىنشا تولەم سايتتىڭ مەنشىك يەسى ۇسىنعان تولەم /ورىندالعان جۇمىستار اكتىسى شوتىنىڭ جانە شوت-فاكتۋرانىڭ نەگىزىندە شوت ۇسىنىلعان كۇننەن باستاپ 5 (بەس) جۇمىس كۇنى ىشىندە جۇزەگە اسىرىلادى.
پارتيالىق تىزىمدەر بويىنشا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتاردىڭ جانە قازاقستان رەسپۋبليكاسى ءماسليحاتتارىنىڭ دەپۋتاتتىعىنا كانديداتتاردىڭ ۇگىت ماتەريالدارىن سايتقا ورنالاستىرۋعا جازباشا وتىنىشتەردى تىركەلگەن كانديداتتاردان 2020 -جىلعى 10-جەلتوقساننان باستاپ 2021 -جىلعى 8 -قاڭتاردى قوسا العاندا، دەمالىس جانە مەرەكە كۇندەرىن قوسپاعاندا، نۇر- سۇلتان قالاسى، اقمەشىت كوشەسى، 3، «Park Line « ب و، 407-كابينەت (كوممەرتسيالىق ءبولىم) مەكەنجايى بويىنشا ساعات 10.00-دەن 18.00-گە دەيىن قابىلدايدى.
قازاقستان حالقى اسسامبلەياسى سايلايتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتاردىڭ ۇگىت ماتەريالدارىن سايتقا ورنالاستىرۋعا جازباشا وتىنىشتەردى تىركەلگەن كانديداتتاردان 2020 -جىلعى 10-جەلتوقساننان باستاپ 2021 -جىلعى 9-قاڭتاردى قوسا العاندا، دەمالىس جانە مەرەكە كۇندەرىن قوسپاعاندا،
نۇر- سۇلتان قالاسى، اقمەشىت كوشەسى، 3، «Park Line « ب و، 407-كابينەت (كوممەرتسيالىق ءبولىم) مەكەنجايى بويىنشا ساعات 10.00-دەن 18.00-گە دەيىن قابىلدايدى. فاكسيميلدى جانە ينتەرنەت بايلانىسى ارقىلى جازباشا وتىنىشتەر قابىلدانبايدى. سايلاۋ الدىنداعى ۇگىت- ناسيحات ماتەريالدارىن ورنالاستىرۋ پرايس-پاراعى.
