الەمدەگى بانكتەر تىعىرىققا تىرەلدى

قىسقارتۋ شارالارى ءالى جالعاسا بەرمەك. حالىقارالىق قارجى ينستيتۋتىنىڭ باعالاۋى بويىنشا بيىلعى جىلدىڭ اياعىنا دەيىن الەمدىك بەرەشەك كولەمى رەكوردتى 277 تريلليون دوللارعا جەتپەك. سوڭعى ايلاردا عانا ءبىرقاتار مەملەكەت دەفولت جاريالاپ ۇلگىردى. بيۋدجەتىندە اقشا تاۋسىلعان ەلدەر قاتارىندا ارتەنتينا، ەكۆادور، زامبيا جانە ليۆان بار.

انتونيۋ گۋتەرريش، ب ۇ ۇ باس حاتشىسى:

- «كوۆيد-19» ىندەتىنىڭ كەسىرى ەكونوميكاسى مەن قارجىلىق سالاسى تەرەڭ داعدارىسقا ۇشىراعان ليۆان سياقتى ەلدەرگە اۋىر سوققى بولىپ تيۋدە. بۇل ءوز كەزەگىندە كەدەيشىلىكتىڭ كوبەيىپ، دەنساۋلىق جانە ءبىلىم بەرۋ سالالارىنىڭ كەرى كەتۋىنە اكەلۋدە. ازىق- تۇلىكپەن، سۋمەن جانە ەلەكتر ەنەرگياسىمەن قامتاماسىز ەتۋ مۇڭعا اينالدى. ەۋرونى ورتاق ۆاليۋتا رەتىندە قولداناتىن ەلدەردىڭ قارجى مينيسترلەرى شۇعىل باس قوسىپ، ەۋروپالىق تۇراقتاندىرۋ تەتىگىن رەفورمالاۋدى جەدەلدەتۋگە ۋاعدالاستى. بۇل تۋرالى گەرمانيانىڭ قارجى ءمينيسترى ولاف شولتس مالىمدەگەن.

قازىر گەرمانيا ەۋرووداق كەڭەسىندە ءتوراعالىق قىزمەتىن اتقارۋدا. نەگىزى اتالعان رەفورما 2024 -جىلى باستالۋى ءتيىس بولاتىن. ءبىراق ىندەت كەزىندەگى قاۋىپ- قاتەردى ەسكەرگەن ەۋروپالىقتار بانك جۇمىسىن جەڭىلدەتۋ ءىسىن قازىردەن قولعا العان. ەۋرواۋماققا كىرەتىن ەلدەردىڭ بيۋدجەتىندەگى تاپشىلىق كوروناۆيرۋسقا بايلانىستى كۇرت كوبەيگەن. قازىر بيۋدجەت تاپشىلىعى 11,6 پروتسەنتتى قۇراپ وتىر.

كريستين لاگارد، ەۋروپالىق ورتالىق بانك پرەزيدەنتى:

- ۆاكتسيناعا قاتىستى جاعداي ايقىندالعانىمەن داعدارىستىڭ ەكىنشى جاعىن كورىپ تۇرمىز. ءبىز داعدارىستان ءالى قۇتىلعان جوقپىز. كەرىسىنشە بەل ورتاسىندا تۇرمىز. ەتەك- جەڭىمىزدى جيناپ، ەكونوميكانى قولداۋدى جالعاستىرۋىمىز كەرەك. وسى تۇرعىدا قارجى ۇيىمدارىنىڭ كوتەرەتىن جۇگى اۋىر.

كوروناۆيرۋس كەلگەلى قولما- قول اقشادان باس تارتۋ الەمدىك ترەندكە اينالدى. بۇل قاتاردا اۆستراليا، سينگاپۋر، كانادا، بەلگيا، شۆەتسيا مەن نيدەرلاند بار. حالىقارالىق ەسەپ بانكىنىڭ مالىمەتى بويىنشا الەمدەگى قولما- قول اقشامەن تولەم جاساۋ كولەمى 12 پروتسەنتكە ازايعان. ال ىندەت كەزىندە قاعاز اقشانى قولدانۋ 48 پروتسەنتكە ازايعان.

www.24.kz