جەلتوقسان ايىندا اۋا رايى قانداي بولادى؟

جەلتوقساننىڭ ءبىرىنشى ونكۇندىگىنىڭ باسىندا جانە سوڭىندا رەسپۋبليكانىڭ سولتۇستىك بولىگىندە، ورتالىعىندا جانە شىعىسىندا كەي جەرلەردە قار جاۋادى، بۇرقاسىن سوعادى. اۋا تەمپەراتۋراسىنىڭ نەگىزگى فونى تۇندە -23-28 گرادۋس، كۇندىز -12-20 گرادۋس بولادى.

ونكۇندىكتىڭ سوڭىندا تۇندە -13-23 گرادۋس دەيىن، كۇندىز -5-13 گرادۋس دەيىن ايازدىڭ السىرەۋى بولجانادى.

ەلىمىزدىڭ باتىسىندا انتيتسيكلوندىق اۋا رايى باسىم، كوبىنەسە جاۋىن-شاشىنسىز اۋا رايى كۇتىلەدى.

اۋا تەمپەراتۋراسى تۇندە -15-25 گرادۋس، كۇندىز -7-15 گرادۋس شاماسىندا بولادى. ءبىرىنشى ونكۇندىكتىڭ سوڭىندا فرونتالدى بولىكتەردىڭ وتۋىنە بايلانىستى قار جاۋىپ، جەل كۇشەيەدى، اۋا تەمپەراتۋراسى تۇندە -9-15 گرادۋس، كۇندىز 0، -5 گرادۋسقا دەيىن كوتەرىلەدى.

قازاقستاننىڭ وڭتۇستىك-باتىسىندا تۇندە -2-10 گرادۋستان -8-16 گرادۋسقا دەيىن، كۇندىز -2+3 گرادۋستان -3-8 گرادۋسقا دەيىن تەمپەراتۋرانىڭ اۋىتقۋى بولجانادى.

رەسپۋبليكانىڭ وڭتۇستىگى مەن وڭتۇستىك-شىعىسىندا ونكۇندىكتىڭ باسىندا جانە سوڭىندا جاۋىن-شاشىن جاۋادى، ونكۇندىكتىڭ باسىندا تاۋ جانە تاۋ بوكتەرلى اۋدانداردا قاتتى جاۋىن-شاشىن جاۋادى، كوبىنەسە قار تۇرىندە.

تۇمان، كوكتايعاق جانە جەلدىڭ كۇشەيۋى بولجانادى. اۋا تەمپەراتۋراسى تۇندە -5-13 گرادۋستان -10-20 گرادۋسقا دەيىن، كۇندىز -5+5 گرادۋستان -8-13 گرادۋسقا دەيىن تومەندەيدى.

سونىمەن قاتار، رەسپۋبليكانىڭ سولتۇستىك، شىعىس جانە ورتالىق وڭىرلەرىندە جەلتوقسان ايىنىڭ ورتاسىندا تەرمومەتر باعاناسى تۇنگى ساعاتتاردا -22-30 گرادۋسقا دەيىن، كۇندىز -10-18 گرادۋسقا دەيىن تومەندەيدى؛

قازاقستاننىڭ باتىسىندا ەكىنشى ونكۇندىكتىڭ باسىندا جانە سوڭىندا اۋا تەمپەراتۋراسى تۇندە -10-18 گرادۋس، كۇندىز -5-13 گرادۋسقا دەيىن ايتارلىقتاي تومەندەيدى؛

ەلدىڭ وڭتۇستىك بولىگىندە ەكىنشى ونكۇندىكتىڭ ورتاسىندا اۋا تەمپەراتۋراسى تۇندە -10-20 گرادۋسقا دەيىن، كۇندىز -5-13 گرادۋسقا دەيىن تومەندەيدى. ايدىڭ سوڭىندا قازاقستاننىڭ بارلىق اۋماعىندا ايازدىڭ السىرەۋى كۇتىلەدى.