قىتايدىڭ عارىش اپپاراتى ايدىڭ بەتىنە ءساتتى قوندى
«اپپارات ءساتتى قونعاننان كەيىن، ايدىڭ بەتىندە جۇرگىزىلەتىن جۇمىسىنا كىرىستى. ول ەكى تاۋلىككە سوزىلادى»، - دەلىنگەن حابارلامادا.
ەسكە سالا كەتسەك، ميسسيا بارىسىندا زوند اي توپىراعىنىڭ ۇلگىلەرىن جيناپ، جەرگە جەتكىزۋى ءتيىس. «چانە-5» جەرگە 2 كەلى توپىراق ۇلگىسىن اكەلەدى دەپ جوسپارلانىپ وتىر. جالپى زوندتىڭ ۇشۋ ۋاقىتى 20 كۇننەن اسادى. سالماعى 8,2 توننا «چانە-5» زوندى وربيتالىق، قونۋشى، قايتۋشى جانە ۇشۋ مودۋلدەرىنەن تۇرادى.
ايتا كەتەرلىگى، ايدى زەرتتەۋگە ارنالعان قىتاي باعدارلاماسى 2004-جىلى ىسكە قوسىلدى.
ول ءۇش كەزەڭنەن تۇرادى: ايدى اينالىپ ۇشۋ، ونىڭ بەتىنە قونۋ جانە جەرگە ايداعى توپىراق ۇلگىسىن جەتكىزۋ.
ەسكە سالا كەتسەك، «چانچجەن-5» زىمىرانى 24- قاراشادا وڭتۇستىك قىتايداعى حاينان ارالى پروۆينتسياسىنداعى ۆەنچان اۋە ايلاعىنان «چانە-5» زوندىن الىپ ۇشقان ەدى.