نۇر-سۇلتاندا قوقىس جاشىگىن تەپكەن جىگىتتەر ۆيدەوعا ءتۇسىپ قالدى

«شامامەن تاڭعى ساعات 5 تە نۇر-سۇلتان پوليتسياسىنىڭ شۇعىل باسقارۋ ورتالىعىنىڭ بەينەباقىلاۋ كامەراسىنا جىگىتتەردىڭ بۇزاقىلىق جاساعانى ءتۇسىپ قالدى. ۆيدەودا ءۇش جىگىت مولداعۇلوۆا كوشەسىندەگى جاياۋجولدا تۇرعان قوقىس جاشىگىن تەپكەن. سونداي-اق ولاردىڭ ءبىرى سول جەرگە دارەت سىندىرعان»، - دەدى قۇقىققورعاۋشىلار.

ول جەرگە پوليتسيا قىزمەتكەرلەرى كەلگەن. جىگىتتەر سارىارقا اۋداندىق پوليتسيا باسقارماسىنا جەتكىزىلدى. 23-24 جاستاعى جىگىتتەردىڭ ماس بولعانى جانە ۇيىنە بارا جاتقانى انىقتالدى.

ولارعا قاتىستى اكىمشىلىك قۇقىقبۇزۋشىلىق كودەكسىنىڭ 440-بابىنا سايكەس اكىمشىلىك حاتتاما تولتىرىلدى. سونداي-اق ەكى جىگىت 434-باپ بويىنشا (كىشىگىرىم بۇزاقىلىق) جازاعا تارتىلدى. ماتەريالدار اۋدانارالىق مامانداندىرىلعان سوتقا شەشىم شىعارۋ ءۇشىن جىبەرىلدى.