دانيار ەلەۋسىنوۆ تيتۋلدىق جەكپە-جەكتەن كەيىن الەمدىك رەيتينگكە كوتەرىلدى

نۇر-سۇلتان. قازاقپارات - قازاقستاندىق كاسىپقوي بوكسشى دانيار ەلەۋسىنوۆ (10-0، 6 ك و) Boxrec.com پورتالىنىڭ رەيتينگىندە كوتەرىلدى، دەپ حابارلايدى قازاقپارات Sports.kz-كە سىلتەمە جاساپ.

ەلەۋسىنوۆ BoxRec رەيتينگىندە جارتىلاي ورتا سالماقتا 40-ورىننان 27 گە كوتەرىلسە، ونىڭ قارسىلاسى دجۋليۋس يندونگو (23-3، 12 ك و) 32 دەن 60 ورىنعا ءتۇستى.

ەسكە سالا كەتەيىك، ەلەۋسىنوۆ يندونگانى ەكىنشى راۋندتا تەحنيكالىق نوكاۋتپەن جەڭىپ، جارتىلاي ورتا سالماقتا IBF Inter- Continental چەمپيونى ۆاكانتتىق بەلبەۋىن يەلەندى.

كوروناۆيرۋس پاندەمياسىنا بايلانىستى دانيار 2020-جىلى ءبىر عانا جەكپە-جەك وتكىزىپ ۇلگەردى. بۇعان دەيىن ول سوڭعى رەت 2019-جىلدىڭ جەلتوقسانىندا رينگكە شىققان بولاتىن.