ا ق ش- تاعى جاعداي كۇردەلەنە ءتۇستى

ا ق ش- تا اۋرۋعا شالدىعۋ جانە ءولىم-ءجىتىم كورسەتكىشى ءوسىپ كەلە جاتىر.

بۇل تۋرالى قازاقپارات BBC اگەنتتىگىنە سىلتەمە جاساپ حابارلايدى.

ا ق ش- تا Covid-19 سالدارىنان بولعان ءولىم-ءجىتىم سانى 250 مىڭنان استى، ال اۋرۋ جۇقتىرۋدىڭ جاڭا وقيعالارىنىڭ سانى ءالى دە ءوسىپ كەلەدى. دجونس حوپكينس ۋنيۆەرسيتەتىنىڭ مالىمەتىنشە، پاندەميا باستالعالى Covid-19 ەلدىڭ 11,5 ميلليونعا جۋىق تۇرعىنىنان انىقتالعان.

ا ق ش الەم ەلدەرى اراسىندا كوروناۆيرۋسقا شالدىققاندار مەن ودان قايتىس بولعاندار سانى جاعىنان كوش باستاپ تۇر. سونداي-اق، Facebook قىزمەتكەرلەرى كەڭسەگە كوشۋ تالابىنا شاعىم ءبىلدىردى، توكيودا قاۋىپتىلىكتىڭ «قىزىل» دەڭگەيى ەنگىزىلدى.

باسقا ەلدەر جاڭالىقتارى:

سارسەنبى كۇنگى كەشكى جاڭالىقتار بويىنشا، يتاليادا تاۋلىك ىشىندە Covid-19 دياگنوزى راستالعان 753 ادام قايتىس بولدى. ەلدىڭ بىرنەشە ايماعىندا قاۋىپتىلىكتىڭ قىزىل دەڭگەيى بەلگىلەنگەن.

ەندى ولارعا ابرۋتستسو دا قوسىلدى.

اۆستريادا پاندەميانىڭ ەكىنشى تولقىنىنان قارتتار ءۇيى تاعى زارداپ شەگىپ وتىر. 12- قاراشاعا دەيىن، 40 كۇندە وندا قاۋىپتى ۆيرۋستان 323 ادام قايتىس بولعان.

نيدەرلاندى ەلىندە ەكى اپتا بۇرىن ەنگىزىلگەن قاتاڭ شەكتەۋلەر جۇمسارتىلدى.

گەرمانيادا تاۋلىك ىشىندە اۋرۋ جۇقتىرۋدىڭ 22,6 مىڭنان استام وقيعاسى تىركەلگەن.

بەلگيانىڭ پرەمەر-ءمينيسترى الەكساندر دە كرو بيىلعى روجدەستۆونىڭ بۇرىنعىداي بولمايتىنىن ەسكەرتتى.

«روجدەستۆودان كەيىن ەكىنشى تولقىننىڭ باستالۋىن قالامايمىز. ەگەر مەرەكەدە ساق بولماساق، ءۇش نەمەسە ءتورت اپتادان كەيىن ونىڭ سالدارىن كورەمىز»، - دەدى ول.